ଯୁବତୀଙ୍କୁ ମଦ ପିଆଇ ଦୁଷ୍କର୍ମ ଓ ଭିଡିଓ ଭାଇରାଲ ଘଟଣାରେ ୩ ଗିରଫ, କେମିତି ଥିଲା ଘଟଣାକ୍ରମ

<p>କଳାହାଣ୍ଡି, (ଓଡିଶା ରିପୋର୍ଟର): କଳାହାଣ୍ଡି ଜୁନାଗଡରେ ଯୁବତୀଙ୍କୁ ମଦ ପିଆଇ ଦୁଷ୍କର୍ମ ଓ ଭିଡିଓ ଭାଇରାଲ ଘଟଣାରେ ୩ ଅଭିଯୁକ୍ତ ଗିରଫ ହୋଇଛନ୍ତି। ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କଳାହାଣ୍ଡି ଏସପି ଏମ୍. ସନ୍ଦିପ ସମ୍ପଦ। ଅଭିଯୁକ୍ତମାନେ ହେଲେ ଚିତ୍ତରଂଜନ ଗୁରୁ, ମୁକୁନ୍ଦ ଗୁରୁ ଓ ସୁଶାନ୍ତ ପ୍ରଧାନୀ। ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚଲାଣ କରାଯାଇଛି।</p> <p>ଗତ ୩୧ ତାରିଖ ସନ୍ଧ୍ୟାରେ ସମ୍ପୃକ୍ତ ଯୁବତୀ ଜଣଙ୍କ ଜୁନାଗଡ ସହର ଶିବ ସାଗର ପଡାଠାରେ ଥିବା ଶନି ମନ୍ଦିରକୁ ପୂଜା କରିବାକୁ ଯାଇ ଘରକୁ ଫେରୁଥିଲେ। ଏହି ସମୟରେ ଭତ୍ରାଗୁଡା ଗ୍ରାମର ଚିତ୍ତରଞ୍ଜନ ଗୁରୁ ତାଙ୍କ ସହଯୋଗୀ ମୁକୁନ୍ଦ ଓ ସୁଶାନ୍ତ ତାଙ୍କ ପାଟି ବନ୍ଦ କରି ଜୋରଜବରଦସ୍ତ ଗୋଟିଏ ବାଇକରେ ବସାଇ ଭତ୍ରାଗୁଡାଠାରେ ଥିବା ପିଜୁଳି ବଗିଚାକୁ ଟେକି ନେଇଥିଲେ। ସେଠାରେ ଚିତ୍ତରଞ୍ଜନ ତାଙ୍କୁ ଜୋର ଜବରଦସ୍ତ ମଦ ପିଆଇ ବଳାତ୍କାର କରିଥିଲେ।</p> <p>ସମ୍ପୃକ୍ତ ଯୁବତୀ ପ୍ରତିବାଦ କରିବାରୁ ଅଭିଯୁକ୍ତମାନେ ତାଙ୍କୁ ପ୍ରବଳ ମାଡ଼ ମାରି ନଗ୍ନ କରି ଭିଡିଓ ଶୁଟିଙ୍ଗ୍&zwnj; କରିଥିଲେ। ଏହି ଘଟଣା କାହାକୁ କହିଲେ ଜୀବନରୁ ମାରିଦେବେ ବୋଲି ସେମାନେ ଯୁବତୀଙ୍କୁ ଧମକ ଦେଇଥିଲେ। ଦୁଷ୍କର୍ମ ପରେ ସମ୍ପୃକ୍ତ ଯୁବତୀଙ୍କ ଭିଡ଼ିଓ ଭାଇରାଲ କରିଥିଲେ ଅଭିଯୁକ୍ତ। ପ୍ରଥମେ ଲୋକଲଜ୍ଜା ଭୟରେ ଯୁବତୀ ଜଣଙ୍କ ଥାନାରେ ଅଭିଯୋଗ କରି ନ ଥିଲେ। କିନ୍ତୁ ପରେ ଭିଡିଓ ଭାଇରାଲ ପରେ ଯୁବତୀଙ୍କ ପରିବାର ଲୋକେ ଜୁନାଗଡ ଥାନାରେ ଅଭିଯୋଗ କରିଥିଲେ।&nbsp; ଜୁନାଗଡ଼ ପୋଲିସ ଘଟଣାର ତଦନ୍ତ କରି ତିନି ଜଣଙ୍କୁ ଗିରଫ କରିଛି।</p>