କଟକ(ଓଡ଼ିଶା ରିପୋର୍ଟର): ଦୀପାବଳି ପୂର୍ବରୁ ଘଟିଲା ଅଘଟଣ। କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ବାଣେଶ୍ୱରପଡ଼ା ଗାଁରେ ଘଟିଛି ଏହି ଅଘଟଣ। ବାଣ ଭିଡୁଥିବା ବେଳେ ବିସ୍ଫୋରଣ ଘଟି ୩ ଜଣ ଗୁରୁତର ହୋଇଛନ୍ତି।
ଗୁରୁତରମାନେ ହେଲେ ବୀର ସ୍ୱାଇଁ (୫୫), ତାଙ୍କ ସ୍ତ୍ରୀ ମଞ୍ଜୁଲତା ସ୍ୱାଇଁ ଓ ସେମାନଙ୍କର ୩ ବର୍ଷର ନାତି।
ବୀର ସ୍ୱାଇଁ ତାଙ୍କ ଘରେ ବାଣ ତିଆରି କରୁଥିବା ବେଳେ ହଠାତ୍ ବିସ୍ଫୋରଣ ହୋଇଥିଲା। ତାଙ୍କ ଶରୀରର ୭୦ ଭାଗ ପୋଡ଼ିଯାଇଥିବା ବେଳେ ତାଙ୍କ ପତ୍ନୀ ଓ ନାତି ମଧ୍ୟ ଗୁରୁତର ହୋଇଛନ୍ତି। ଗୁରୁତର ଅବସ୍ଥାରେ ସେମାନଙ୍କୁ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି।
ବୀର ସ୍ୱାଇଁ ନିଜେ ବ୍ୟବହାର କରିବା ପାଇଁ ବାଣ ତିଆରି କରୁଥିଲେ ନା ବିକ୍ରି ପାଇଁ ପ୍ରସ୍ତୁତ କରୁଥିଲେ, ତାହା ଜଣାପଡ଼ିନାହିଁ। ତିଗିରିଆ ଥାନା ପୁଲିସ୍ ଘଟଣାର ତଦନ୍ତ କରୁଛି।