ଆଠଗଡ଼(ନୀଳକଣ୍ଠ ଦୋରା): ଆଠଗଡ଼ ଫୋରମ ଅଫ୍ ଏକାଡେମିକ୍ସ୍ ପକ୍ଷରୁ ଶିକ୍ଷା ଜ୍ୟୋତି ସମ୍ମାନ ୨୦୧୮’ ପ୍ରଦାନ କରାଯାଇଛି। ଆଠଗଡ଼ ନିର୍ବାଚନ ମଣ୍ଡଳୀର ୫୬ଟି ବିଦ୍ୟାଳୟର ମାଧ୍ୟମିକ ପରୀକ୍ଷାରେ କୃତକାର୍ଯ୍ୟ ହୋଇଥିବା ୩୩୩ ଜଣ ଛାତ୍ରଛାତ୍ରୀମାନଙ୍କୁ ‘ଶିକ୍ଷା ଜ୍ୟୋତି ସମ୍ମାନ ୨୦୧୮’ ରେ ସମ୍ମାନିତ କରାଯାଇଛି।
ଏହି ଉତ୍ସବରେ ମୁଖ୍ୟ ଅତିଥି ଭାବେ ଆଠଗଡ଼ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ଓ ମୁଖ୍ୟ ବକ୍ତା ଭାବେ ସ୍ତମ୍ଭକାର ଅମୀୟ ପାଣ୍ଡବ ଯୋଗଦେଇ ଥିଲେ। A1 ଗ୍ରେଡ୍ରେ ପାସ୍ କରିଥିବା ୧୭ ଜଣ ଛାତ୍ରଛାତ୍ରୀଙ୍କୁ ଅନୁଷ୍ଠାନ ପକ୍ଷରୁ ଲାପଟପ୍ ପ୍ରଦାନ କରାଯାଇଥିଲା। ଏଥିସହ ଆଠଗଡ଼ ଜାଗିଆପଡ଼ା ହାଇସ୍କୁଲ ଓ ସରସ୍ୱତୀ ଶିଶୁ ବିଦ୍ୟା ମନ୍ଦିର ଆଠଗଡ଼ ସ୍କୁଲକୁ ଶ୍ରେଷ୍ଠ ବିଦ୍ୟାଳୟ ସମ୍ମାନ ପ୍ରଦାନ କରାଯାଇଛି। ସେହିପରି ୧୦ଜଣ ମାଧ୍ୟମିକ ଶିକ୍ଷକ ଓ ୫ଜଣ ଅବସରପ୍ରାପ୍ତ ଶିକ୍ଷକମାନଙ୍କୁ ସମ୍ମାନିତ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।