ଟ୍ରାନ୍ସପୋର୍ଟରଙ୍କୁ ଅପହରଣ ଘଟଣାରେ ୪ ଗିରଫ

ବାଲେଶ୍ୱର (ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲା ରେମୁଣା ଓମଫେଡ୍ ଡାଏରୀ ପ୍ଲାଣ୍ଟର ତିନିଜଣ ଟ୍ରାନ୍ସପୋର୍ଟରଙ୍କୁ ଅପହରଣ ଓ ପରେ ଛାଡିଦେବା ଘଟଣାରେ ପୋଲିସ ୪ ଜଣଙ୍କୁ ଗିରଫ କରି କୋର୍ଟ ଚାଲଣ କରିଛି। ସେମାନଙ୍କ ମଧ୍ୟରେ ୩ ଅପହରଣକାରୀଙ୍କ ସହ ଜଣେ ଗାଡି ଡ୍ରାଇଭର ରହିଛନ୍ତି। ଅପହରଣରେ ନିୟୋଜିତ ହୋଇଥିବା ବୋଲେରୋ ଗାଡିକୁ ମଧ୍ୟ ପୋଲିସ ଜବତ କରିଛି।

ପୋଲିସର ସୂଚନା ଅନୁସାରେ, ୨୦୧୫ ମସିହାରୁ ୩ ବର୍ଷ ପାଇଁ ଭୁବନେଶ୍ୱରର ତିନିଜଣ ଯୁବକ ବାଲେଶ୍ୱର ଡାଏରୀରେ ନିଜର ଗାଡି ଟ୍ରାନ୍ସପୋର୍ଟରେ ଲଗାଇଥିଲେ। ଟେଣ୍ଡର ଅବଧି ମେ’ ମାସରୁ ସରିଥିବା ବେଳେ ନୂଆ ଟେଣ୍ଡର ପ୍ରକ୍ରିୟା ପାଇଁ ଆବେଦନ ତାରିଖର ଆଜି ଶେଷ ଦିନଥିଲା। ଏହା ପୂର୍ବରୁ ଅନ୍ୟ ଟ୍ରାନ୍ସପୋର୍ଟର ଏଭଳି ଅପହରଣ ନାଟକ ରଚିଥିଲେ। ଅପହରଣ ପାଇଁ ଯୋଜନା କରିଥିବା ଅନ୍ୟ ଦୁଇ ଟ୍ରାନ୍ସପୋର୍ଟର ଅପହରଣକାରୀ ନିଖିଲ କୁମାର ବେହେରାଙ୍କୁ ୨୦ ହଜାର ଟଙ୍କା ଦେବା ପାଇଁ କହିଥିବା ପୋଲିସ ସୂଚନା ଦେଇଛି। ଶୀଘ୍ର ଏଥିରେ ସଂପୃକ୍ତ ଥିବା ଅନ୍ୟ ଅଭିଯୁକ୍ତଙ୍କୁ ଧରାଯିବ ବୋଲି ଶିଳ୍ପାଞ୍ଚଳ ପୋଲିସ କହିଛି କହିଛନ୍ତି।