ଗୋଟିଏ ପରିବାରର ୪ ଜଣଙ୍କୁ ହତ୍ୟା! ମହାନଦୀରୁ ମିଳିଲା ବନ୍ଧା ହୋଇଥିବା ମୃତଦେହ

<p>ପାରାଦୀପ(ଏନ୍&zwnj;.ଏମ୍&zwnj; ବୈଶାଖ): ମହାନଦୀରେ ଭାସୁଛି ଗୋଟିଏ ପରିବାରର ୪ ଜଣଙ୍କ ମୃତଦେହ। ସେମାନଙ୍କ ମଧ୍ୟରେ ଅଛନ୍ତି ମାଆ, ଦୁଇ ଝିଅ ଓ ପୁଅ। ମୃତଦେହ ଗୁଡ଼ିକ ବନ୍ଧା ଯାଇଥିବା ଦେଖିବାକୁ ମିଳିଛି। ସମ୍ପତ୍ତି ପାଇଁ ସେମାନଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ମୃତ ମହିଳାଙ୍କ ଭାଇ ଅଭିଯୋଗ କରିଛନ୍ତି। ଜଗତସିଂହପୁର ଜିଲ୍ଲା କୁଜଙ୍ଗ ଥାନା ପୋଲିସ୍&zwnj; ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି।</p> <p>&lt;a href=&quot;&quot;&gt;(image) &lt;/a&gt;ଅଭିଯୋଗରୁ ପ୍ରକାଶ, ଜଗନ୍ନାଥପୁର ଗାଁର ଅନନ୍ତ ସେଠୀଙ୍କର କିଛିଦିନ ତଳେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଥିଲା। ଗତକାଲି ରାତିରୁ ଅନନ୍ତଙ୍କ ସ୍ତ୍ରୀ ମାମିନା, ୯ ବର୍ଷର ଝିଅ ବର୍ଷା, ୭ ବର୍ଷର ଝିଅ ଲିତା ଓ ୫ ବର୍ଷର ପୁଅ ସନାତକ ଗାଏବ ହୋଇଯାଇଥିଲେ। ଆଜି ସେମାନଙ୍କ ମୃତଦେହ ଜଗନ୍ନାଥପୁର ଶନିମନ୍ଦିର ନିକଟ ମହାନଦୀରେ ଭାସୁଥିବା ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି।</p> <p>https://youtu.be/NK9MQqRAchs</p>