ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଆନନ୍ଦପୁର( ମୁନ୍ନା ସିଂ): ନିମିଷକ ମଧ୍ୟରେ ଉଭେଇ ଗଲା ବିବାହ ଉତ୍ସବର ସୁଖ। ବିବାହ ଭୋଜି ଖାଇ ଫେରିବାର ମାତ୍ର କେଇ ଘଣ୍ଟା ପରେ ମିଳିଲା ଦୁଃଖଦ ଖବର। ଏହି ଦୁଃଖଦ ଘଟଣା ଘଟିଛି କେନ୍ଦୁଝର ଜିଲ୍ଲା କରଞ୍ଜିଆ-ଆନନ୍ଦପୁର ରାସ୍ତାର ବାଙ୍ଖିଡ଼ି ନିକଟରେ। ଆଜି ସକାଳେ ଏକ କାର୍‌ ଗଛରେ ପିଟି ହେବାରୁ ୪ ଜଣଙ୍କ ମୃତ୍ୟୁ ଘଟିଛି।</p> <p>ସୂଚନା ଅନୁସାରେ, ଆନନ୍ଦପୁର ସାଇଁକୁଳ ଅଞ୍ଚଳର ବୈକୁଣ୍ଠ ପଣ୍ଡାଙ୍କ ପରିବାର ଠାକୁରମୁଣ୍ଡା ଖୁଣ୍ଟାପଶି ଗାଁରୁ ଏକ ବିବାହ ଉତ୍ସବରେ ଯୋଗ ଦେଇ ଫେରୁଥିଲେ। ତେବେ ଆଜି ସକାଳେ ପ୍ରାୟ ସାଢ଼େ ୬ଟା ସମୟରେ କାର୍‌ଟି ବାଙ୍ଖିଡ଼ି ଛକ ନିକଟରେ ଏକ ଗଛରେ ପିଟି ହୋଇ ଯାଇଥିଲା। ଫଳରେ ଘଟଣାସ୍ଥଳରେ ହିଁ ୩ ଜଣଙ୍କ ମୃତ୍ୟୁ ହୋଇଥିଲା। ସେମାନେ ହେଲେ ବୈକୁଣ୍ଠ ପଣ୍ଡା, ଲକ୍ଷ୍ମପ୍ରିୟା ପଣ୍ଡା ଓ ମନୋରମା ତ୍ରିପାଠୀ। ହେଲେ ଗୁରୁତର ଅବସ୍ଥାରେ ଆନନ୍ଦପୁର ଡାକ୍ତରଖାନାକୁ ସ୍ଥାନାନ୍ତର କରାଯାଉଥିବା ବେଳେ ଚିନା ପଣ୍ଡାଙ୍କ ମୃତ୍ୟୁ ଘଟିଥିଲା।</p> <p>ତେବେ ଏହି ଦୁର୍ଘଟଣାରେ ଗୁରୁତର ଆହତ ହୋଇଥିବା ଗଣେଶ୍ୱର, ମାନସୀ ଓ ରଘୁନାଥଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଦୁର୍ଘଟଣାସ୍ଥଳରେ ଆନନ୍ଦପୁର ଦମକଳ ବାହିନୀ ଓ ୧୦୮ ଆମ୍ୱୁଲାନ୍ସ କର୍ମଚାରୀ ପହଞ୍ଚି ଦୁର୍ଘଟଣାଗ୍ରସ୍ତ କାର୍‌ରୁ ମୃତ ଓ ଆହତଙ୍କୁ ଉଦ୍ଧାର କରିଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
