ଗାଈ ଚୋର ସନ୍ଦେହରେ ୪ ଜଣଙ୍କୁ ନିର୍ଧୂମ ମାଡ଼

କଟକ(ପ୍ରଭାତ ବିଷୋୟୀ): କଟକ ଜିଲ୍ଲା ବିଡ଼ାନାସୀର ବଉଳ ଛକରେ ଗାଈ ଚୋର ସନ୍ଦେହରେ ୪ ଜଣଙ୍କୁ ଲୋକେ ନିସ୍ତୁକ ମାଡ଼ ମାରିଛନ୍ତି। ଲୋକଙ୍କ ମାଡ଼ରେ ସେମାନେ ଗୁରୁତର ଆହତ ହୋଇଛନ୍ତି। ଏହାସହ ସେମାନେ ଆଣିଥିବା ଗୋଟିଏ ଗାଡ଼ିକୁ ଲୋକେ ପୋଡ଼ି ଦେଇଛନ୍ତି।

ଚାରି ଆହତଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି।

ଗତକାଲି ରାତିରେ ୪ ଜଣ ଗୋଟିଏ ଗାଡ଼ି ଧରି ବିଡ଼ାନାସୀ ଅଞ୍ଚଳରେ ପଶିଥିଲେ। ଗାଈ ଚୋରି କରୁଥିବା ସନ୍ଦେହ କରି ଲୋକେ ସେମାନଙ୍କୁ ଘେରି ଯାଇଥିଲେ। ତେବେ ୪ ଜଣ ଯାକ ଗାଡ଼ି ଛାଡ଼ି ପଳାଉଥିବାବେଳେ ଲୋକେ ସେମାନଙ୍କୁ ଧରି ବଉଳ ଛକରେ ନିସ୍ତୁକ ମାଡ଼ ମାରିଥିଲେ।

ଗତ କିଛିଦିନ ହେଲା ବିଡ଼ାନାସୀ ଓ ସିଡିଏ ସେକ୍ଟର ୧୦ ଏବଂ ୧୧ ଅଞ୍ଚଳରୁ ରାତିରେ ଗାଈ ଚୋରି ହେଉଥିବା ନେଇ ଅଭିଯୋଗ ହୋଇ ଆସୁଥିଲା। ଏନେଇ ବିଡ଼ାନାସୀ ଅଞ୍ଚଳର ଲୋକେ ଜଗି ରହୁଥିଲେ। ଗତକାଲି ରାତିରେ ଏହି ଗାଡ଼ିଟି ବିଡ଼ାନାସୀରେ ପଶିବାରୁ ଲୋକେ ସନ୍ଦେହ କରି ଘେରି ଯାଇଥିଲେ ଓ ପିଟି ଥିଲେ।