କଟକ(ଓଡ଼ିଶା ରିପୋର୍ଟର): କଟକ ସହରରେ ୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୨ ଜଣ ଇନଷ୍ଟିଚ୍ୟୁସନାଲ କ୍ୱାରେଣ୍ଟାଇନ୍ରେ ଥିବା ବେଳେ ଜଣେ ହୋମ୍ କ୍ୱାରେଣ୍ଟିନ ଓ ଅନ୍ୟ ଜଣେ ଲୋକାଲ କେସ୍ ବୋଲି ଜଣାପଡ଼ିଛି। ଏନେଇ ସିଏମ୍ସି ପକ୍ଷରୁ ଟ୍ୱିଟ କରାଯାଇଛି।
#COVID19 update in Cuttack city (CMC area)
Out of the 16 new COVID-19 positive cases reported today in #Cuttack district, 04 positive cases belong to Cuttack city (CMC area).
Active surveillance, contact tracing, and sanitization of the concerned areas are underway. pic.twitter.com/WDaB52TLz6
— CMC,Cuttack (@CMCCuttack) July 15, 2020
ହୋମ୍ କ୍ୱାରେଣ୍ଟିନରୁ ଚିହ୍ନଟ ୪୬ ବର୍ଷୀୟ ବ୍ୟକ୍ତିଙ୍କ ଘର ସିଡିଏ ସେକ୍ଟର-୬ରେ। ଇନଷ୍ଟିଚ୍ୟୁସନାଲ କ୍ୱାରେଣ୍ଟାଇନ୍ରେ ଥିବା ୨ ଜଣଙ୍କ ମଧ୍ୟରୁ ଜଣେ ୬୦ ବର୍ଷୀୟା ମହିଳା ହୋଇଥିବା ବେଳେ ଆଉ ଜଣେ ୩୪ ବର୍ଷୀୟ ଯୁବକ। ଯୁବକଜଣକ ହାଇଦ୍ରାବାଦରୁ ଫେରିଥିବା ବେଳେ ମହିଳାଜଣକ ଜଣେ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ଜଣାଯାଇଛି। ଏହାବ୍ୟତୀତ ସୁତାହାଟର ଜଣେ ୩୬ ବର୍ଷୀୟା ମହିଳା ହେଉଛନ୍ତି ଲୋକାଲ କେସ୍।
କଟକ ସହରରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୨୯୫ରେ ପହଞ୍ଚିଥିବା ବେଳେ ୧୫୪ ଜଣ ଚିକିତ୍ସାଧୀନ ଅଛନ୍ତି। ୧୩୪ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୭ ଜଣ କରୋନାରେ ଆଖି ବୁଜି ସାରିଲେଣି।