ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ଦୁର୍ନୀତି ଅଭିଯୋଗରେ ଗତ ୨ବର୍ଷ ମଧ୍ୟରେ ୪୦ଜଣ ସରକାରୀ କର୍ମଚାରୀଙ୍କୁ ନିଜ ଚାକିରି ହରାଇବାକୁ ପଡ଼ିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ବିଧାନସଭାରେ ଏହି ସୂଚନା ଦେଇଛନ୍ତି ।
ବିଧାୟକ ଭୂପିନ୍ଦର ସିଂଙ୍କ ଏକ ପ୍ରଶ୍ନର ଲିଖିତ ଉତ୍ତରରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଛନ୍ତି ଯେ, ଗତ ୨୦୨୦ ଓ ୨୦୨୧ ମସିହାରେ ଭିଜିଲାନ୍ସ ବିଭାଗ ଦ୍ୱାରା ମୋଟ ୩୮୯ଟି ଚଢ଼ଉ ହୋଇଛି । ସେଥିରୁ ୨୦୧ଟି କେସ୍ ପୀଡ଼ିତ ବ୍ୟକ୍ତିଙ୍କ ଅଭିଯୋଗ ଆଧାରରେ ହୋଇଥିବାବେଳେ ୧୮୫ଟି କେସ୍ ଭିଜିଲାନ୍ସ ବିଭାଗ ନିଜଆଡ଼ୁ ଦାଖଲ କରି ଚଢ଼ଉ କରିଥିଲା । ଏହା ଭିତରୁ ୪୦ଜଣ ଚାକିରି ହରାଇଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ପୂର୍ବରୁ ଗୃହରେ ସାଧାରଣ ପ୍ରଶାସନ ବିଭାଗର ଖର୍ଚ୍ଚଦାବି ଆଲୋଚନାର ଉତ୍ତର ରଖି ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଥିଲେ ଯେ ଚଳିତବର୍ଷ ଏପର୍ଯ୍ୟନ୍ତ ୨୬୭ଟି ଅପରାଧିକ ମାମଲା ୪୭୫ଜଣଙ୍କ ବିରୁଦ୍ଧରେ ହୋଇଛି । ସରକାରୀ କର୍ମଚାରୀଙ୍କ ବିରୁଦ୍ଧରେ ୩୭୩ଟି ତଦନ୍ତ ମାମଲା ଆରମ୍ଭ ହୋଇଛି । ମୋଟ ୨୭୨ଜଣ ଅଭିଯୁକ୍ତଙ୍କୁ ଭିଜିଲାନ୍ସ ଗିରଫ କରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
