ଏସ୍‌ସିବିରେ କୋଳି ଖାଇ ମଞ୍ଜି ପୋତିଛନ୍ତି ୪୦ରୁ ଅଧିକ ପ୍ରଫେସର

<p>କଟକ (ଓଡ଼ିଶା ରିପୋର୍ଟର): ଏସ୍&zwnj;ସିବି ମେଡିକାଲ କଲେଜରେ ବର୍ଷ ବର୍ଷ ଧରି ଗାଦି ମାଡ଼ି ବସିଛନ୍ତି କିଛି ଡାକ୍ତର ଓ ପ୍ରଫେସର। କିଏ ୩୦ ବର୍ଷ ତ ଆଉକିଏ ୨୦ ବର୍ଷ। ସ୍ୱାସ୍ଥ୍ୟ ବିଭାଗ ନିୟମକୁ ଫୁ କରି ଏମାନେ ବିନା ବଦଳିରେ ଏଠି କାମ କରି ଚାଲିଛନ୍ତି। ସତେ ଯେମିତି ଲାଗୁଛୁ ଡାକ୍ତର ଓ ପ୍ରଫେସରମାନେ କୋଳି ଖାଇ ଏଠାରେ ମଞ୍ଜି ପୋତିଛନ୍ତି।</p> <p>ସ୍ୱାସ୍ଥ୍ୟ ବିଭାଗର ନୀତି ଅନୁସାରେ ୩ ବର୍ଷରେ ଥରେ ଡାକ୍ତରଙ୍କ ବଦଳି ହେବା କଥା। ମାତ୍ର ଏହି ନିୟମକୁ ଠିକ୍&zwnj;ଭାବେ କଟକ ବଡ଼ମେଡ଼ିକାଲରେ କାର୍ଯ୍ୟକାରୀ କରାଯାଉନାହିଁ। ଯାହାଦ୍ୱାରା ଏଠାରେ ବର୍ଷବର୍ଷ ଧରି କାମ କରୁଛନ୍ତି ଡାକ୍ତର। ସୂଚନା ଅଧିକାର ଆଇନ ବଳରେ ଏପରି ତଥ୍ୟ ସାମ୍ନାକୁ ଆସିଛି। ତଥ୍ୟ ଅନୁସାରେ, ଏସ୍&zwnj;ସିବିର ୪୦ରୁ ଅଧିକ ପ୍ରଫେସର ବିନା ବଦଳିରେ ବର୍ଷ ବର୍ଷ ଧରି କାମ କରୁଛନ୍ତି। ଏମାନଙ୍କ ମଧ୍ୟରେ ଅଛନ୍ତ-ସର୍ଜରୀ ବିଭାଗ ପ୍ରଫେସର ଡାକ୍ତର କେ.ସି ମହାପାତ୍ର। ଯିଏକି ୨୧ ବର୍ଷ ଧରି ଏସସିବିରେ ଅଛନ୍ତି। ଆଉ ଜଣେ ହେଲେ ଆସିଷ୍ଟାଣ୍ଟ ପ୍ରଫେସର ଡାକ୍ତର ରାଜଶ୍ରୀ ରାଉତ। ୧୯୮୭ରୁ ଅର୍ଥାତ୍ ୩୧ ବର୍ଷ ଧରି ଚକ୍ଷୁ ବିଭାଗରେ କାମ କରୁଛନ୍ତି ରାଜଶ୍ରୀ। ସେହିପରି ଆସୋସିଏଟ୍ ପ୍ରଫେସର ରିନା ମହାନ୍ତି ୨୦ ବର୍ଷ ଓ ପ୍ରଫେସର ଅନୁଜ କୁମାର ବଳିୟାର ସିଂ ୧୫ ବର୍ଷରୁ ଅଧିକ ସମୟ ଧରି ବିନା ବଦଳିରେ ଏସ୍&zwnj;ସିବିରେ କାମ କରୁଛନ୍ତି। ଏଭଳି ଅନେକ ଉଦାହରଣ ଭରି ରହିଛି ଏସ୍&zwnj;ସିବିରେ।</p> <p>କିଛି ଦିନ ତଳେ ଚର୍ଚ୍ଚାରେ ଥିଲେ ହସ୍ପାଟିଲାର ୟୁରୋଲୋଜି ବିଭାଗ ମୁଖ୍ୟ ପ୍ରଫେସର ଦତ୍ତେଶ୍ୱର ହୋତା। ୨୦ ବର୍ଷରୁ ଅଧିକ ସମୟ ଧରି ଏଠାରେ କାମ କରୁଥିବା ପ୍ରଫେସର ହୋତାଙ୍କ ନାଁରେ ଆସିଥିଲା ଗୁରୁତର ଅଭିଯୋଗ। ପ୍ରଫେସର ହୋତା ସେମାନଙ୍କୁ ନିଜ ଘରୋଇ କ୍ଲିନିକରେ କାମ କରିବାକୁ ବାଧ୍ୟ କରିବା ସହ ଶାରୀରିକ ଓ ମାନସିକ ନିର୍ଯାତନା ଦେଉଥିବା ଜୁନିୟର ଡାକ୍ତର ଅଭିଯୋଗ ଆଣିଥିଲେ। ନିର୍ଯାତନା ସୀମା ଟପିବାରୁ ଅତିଷ୍ଠ ହୋଇ ତାଙ୍କୁ ତୁରନ୍ତ ବଦଳି କରିବା ଦାବିରେ ଆନ୍ଦୋଳନକୁ ଓହ୍ଲାଇଥିଲେ ଜୁନିୟର ଡାକ୍ତର। ଚାରିଆଡୁ ଚାପ ପରେ ଡାକ୍ତର ହୋତାଙ୍କୁ ବଦଳି କରିବାକୁ ବାଧ୍ୟ ହୋଇଥିଲେ ସରକାର। ତେବେ ପ୍ରଫେସର ହୋତା ସ୍ୟାଟ୍&zwnj;ରୁ ଷ୍ଟେ ଅର୍ଡର ଆଣି ପୁଣି ସେଇ ବିଭାଗରେ କାମ କରୁଛନ୍ତି। କେବଳ ଦତ୍ତେଶ୍ୱର ନୁହଁନ୍ତି। ଏମିତି ଅନେକ ଡାକ୍ତର ଏମିତି ଭାବେ କାମ କରୁଥିବା ଅଭିଯୋଗ ଆସିଛି।</p>