ପୁଣି ପୁଞ୍ଜିଲାଲଙ୍କୁ ରିମାଣ୍ଡରେ ନେଲା କ୍ରାଇମବ୍ରାଞ୍ଚ, ଏଥର ୫ଦିନ

<p>ବଲାଙ୍ଗିର(ଓଡ଼ିଶା ରିପୋର୍ଟର): ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେରଙ୍କୁ ଆଜିଠୁ ପୁଣି ୫ ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ। ଏହି ସମୟରେ କ୍ରାଇମବ୍ରାଞ୍ଚ ପୁଞ୍ଜିଲାଲଙ୍କୁ ରାୟପୁର ନେଇ ସେ ସେଠାରେ କେମିତି କରିଥିଲେ ଷଡ଼ଯନ୍ତ୍ର ତା&rsquo;ର ଏକ ଡେମୋ ପ୍ରସ୍ତୁତ କରିବାର ଯୋଜନା ରଖିଛି। &nbsp;ପୁଞ୍ଜିଲାଲଙ୍କ ଦ୍ୱିତୀୟ ଥର ଲାଗି ୮ଦିନ ରିମାଣ୍ଡରେ ନେବାକୁ ଆବେଦନ କରିଥିଲା&nbsp; କ୍ରାଇମବ୍ରାଞ୍ଚ। ହେଲେ ପାଟଣାଗଡ଼ କୋର୍ଟ ୫ଦିନ ପାଇଁ ଅନୁମତି ଦେଇଛନ୍ତି।</p> <p>ପ୍ରଥମ&nbsp; ପର୍ଯ୍ୟାୟରେ ୬ଦିନିଆ ରିମାଣ୍ଡ ଅବଧି ସରିବା ପରେ ଆଜି ପୁଞ୍ଜିଲାଲଙ୍କୁ ପାଟଣାଗଡ଼ ଏସଡିଜେଏମଙ୍କ କୋର୍ଟରେ ହାଜର କରାଯାଇଥିଲା। ପ୍ରଥମ ପର୍ଯ୍ୟାୟ ରିମାଣ୍ଡ ବେଳେ କ୍ରାଇମବ୍ରାଞ୍ଚକୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା ଜଣାପଡ଼ିଛି।&nbsp; ରାୟପୁରରେ ପୁଞ୍ଜିଲାଲ ଯେଉଁ ଅଟୋ ଚାଳକ ସହାୟତାରେ ପାର୍ସଲ ବୁକିଂ କରିଥିଲା ତା&rsquo;ର ଠିକଣା ଖୋଜୁଛି।</p>