ବୋହୂ ପାଇଁ ଥାନା ଭଙ୍ଗାରୁଜା : ବନ୍ଧା ହେଲେ ୫୨

ଭଦ୍ରକ(ଓଡ଼ିଶା ରିପୋର୍ଟର): ଭଦ୍ରକ ଜିଲ୍ଲା କଶିଆ ସାମୁଦ୍ରିକ ଥାନାରେ ଭଙ୍ଗାରୁଜା ଘଟଣାରେ ପୁଲିସ ଏବେ ସୁଦ୍ଧା ୫୨ ଜଣଙ୍କୁ ଗିରଫ କରିଛି।  ପୁଲିସର ଗିରଫଦାରି ଭୟରେ ବିନୋବାଭାବେ ନଗର ଗାଁ ପୁରୁଷ ଶୂନ୍ୟ  ହୋଇଯାଇଛି। ବାପଘରୁ ବୋହୂ ଶ୍ୱଶୁର ଘରକୁ ଫେରିବାରେ ବିଳମ୍ବକୁ ନେଇ ଦୁଇ ପରିବାର ମଧ୍ୟରେ ଗଣ୍ଡଗୋଳ ଉପୁଜିଥିଲା। ଏମିତିକି ମାରପିଟ୍‌ ହୋଇ ଥାନା ଭଙ୍ଗାରୁଜା ଯାଏଁ କଥା ଯାଇଥିଲା  ପୁଲିସ ଘଟଣାର ସମାଧାନ କରିବାରେ ବିଫଳ ହେବାରୁ ଲୋକଙ୍କ ଆକ୍ରୋଶର ଶିକାର ହୋଇଥିଲା । ଲୋକେ ଥାନାରେ ପଶି ବ୍ୟାପକ ଭଙ୍ଗାରୁଜା କରିଥିଲେ।  ଅଭିଯୁକ୍ତଙ୍କୁ ଧରିବାକୁ ଗାଁରେ ଏବେ ପୁଲିସ ପଇଁତରା ମାରୁଛି । ହେଲେ ଗିରଫ ଭୟରେ ଗାଁରେ ବୟସ୍କ ଓ ଛୋଟ ପିଲାଙ୍କୁ ଛାଡ଼ିଦେଲେ ଆଉ କାହାର ଦେଖାନାହିଁ ।

ସୂଚନା ଅନୁଯାୟୀ, ଗତ ଛଅ ମାସ ତଳେ ପାରାପୋଖରୀ ଗାଁର ଜଣେ ଯୁବତୀ ବିନୋବାଭାବେ ନଗରର ଜଣେ ପୁଅକୁ ପ୍ରେମ ବିବାହ କରିଥିଲେ। ଏହି ପ୍ରେମ ବିବାହକୁ ନେଇ ଦୁଇ ଗାଁ ମଧ୍ୟରେ ତିକ୍ତତା ସୃଷ୍ଟି ହୋଇଥିଲା। ପୁଲିସର ମଧ୍ୟସ୍ଥତାରେ ଦୁଇ ଗାଁର ଗଣ୍ଡଗୋଳ ଥାନାରେ ସମାଧାନ ହୋଇଥିଲା।

ହୋଲି ପର୍ବ ପାଇଁ ଝିଅ ବାପ ଘର(ପାରାପୋଖରୀ)କୁ ଯାଇଥିଲା। ହେଲେ ରାତିରେ ଶ୍ଵଶୁର ଘରକୁ ଫେରିଲା ବେଳେ ବିଳମ୍ବ ହୋଇଥିଲା। ଏହାକୁ ନେଇ ଶଶୁର ଘର ଲୋକେ ଅସନ୍ତୋଷ ପ୍ରକାଶ କରିଥିଲେ। ଏହି କଥାକୁ ନେଇ ପୁଅ ଘର ଓ ଝିଅ ଘର ଲୋକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ପୁଲିସ୍ ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲା। ବୁଝାସୁଝା କରିବା ପାଇଁ ଉଭୟଙ୍କ ପକ୍ଷର ଲୋକଙ୍କୁ ଥାନାକୁ ଆଣିଥିଲା ଓ ପରେ ଛାଡ଼ି ଦେଇଥିଲା।

ପରେ ପୁଣି ପୂର୍ବ ତିକ୍ତତାକୁ ନେଇ ଉଭୟଙ୍କ ଗାଁ ମଧ୍ୟରେ ଗଣ୍ଡଗୋଳ ହୋଇଥିଲା। ହେଲେ ପୁଲିସ୍‌ ମାମଲାକୁ ସମାଧାନ କରିବାରେ ବିଳମ୍ବ କରିଥିବା ଅଭିଯୋଗ ଆଣି ବିନୋବାଭାବେ ନଗର ଗାଁର ଲୋକେ ଥାନାରେ ପଶି ଭଙ୍ଗାରୁଜା କରିଥିଲେ।

ଆହୁରି ପଢ଼ନ୍ତୁ

ଓଡ଼ିଶା ଭିଜିଲାନ୍ସ ଇତିହାସରେ ପ୍ରଥମ; ଯନ୍ତ୍ରୀଙ୍କ ନିକଟରୁ ସାଢ଼େ ୬ କୋଟିର ସମ୍ପତ୍ତି ଠାବ

ଭୁବନେଶ୍ୱରରୁ ଜଣଙ୍କୁ ଉଠାଇ ନେଲା NIA

ରାଜ୍ୟରେ ନୂଆ ୧୯୩୧ କରୋନା ଆକ୍ରାନ୍ତ ଚିହ୍ନଟ

ଦୁଃଖ ଶୁଣୁନି ପ୍ରଶାସନ; ଅସହାୟ ରୋଗୀକୁ ରାସ୍ତାରେ ଶୁଆଇ ରାସ୍ତାରୋକ

ସିନ୍ଦୂର ପୋଛିଦେଲା ଲୌହ ମାନବ, କାନ୍ଧ ଉପରେ ଗର୍ଭବତୀ ଝିଅ 

ଲକଡାଉନ ଯାଇଛି, ହେଲେ କରୋନାର ବିପଦ ଟଳିନି କହିଲେ ମୋଦି

ଅମାନିଆଙ୍କୁ ପରାମର୍ଶ ଦେଲେ ମୁଖ୍ୟମନ୍ତ୍ରୀ

ରାଜ୍ୟରେ ନୂଆ ୧,୯୦୪  କରୋନା ଆକ୍ରାନ୍ତ ଚିହ୍ନଟ

ମୁଖ୍ୟମନ୍ତ୍ରୀଙ୍କ ବନ୍ୟା ସର୍ଭେ ପର୍ଦ୍ଦାଫାସ ପରେ ଦେଢ଼ ବର୍ଷ ତଳର କେସ ଖୋଳତାଡ଼ !

ସାଂସଦଙ୍କ ଫେକ୍ ଭିଡିଓ: ଦେଢ଼ବର୍ଷ ଯାଏ ଶୋଇଥିଲା କାହିଁକି ପୁଲିସ୍?

ସ୍କୁଲ ଫି ଛାଡ଼ ମାମଲା: ୭ ଦିନରେ ଜବାବ ଦେବାକୁ ରାଜ୍ୟକୁ ନିର୍ଦ୍ଦେଶ

ରାଜ୍ୟରେ ୨ ହଜାର ତଳକୁ ଖସିଲା ଚିହ୍ନଟ ଆକ୍ରାନ୍ତଙ୍କ ସଂଖ୍ୟା