‘ମୋତେ ବନ୍ଧୁକ ଦେଖାଇ ୬ ଲକ୍ଷ ଲୁଟିନେଲେ’

ବାଲୁଗାଁ(ଓଡ଼ିଶା ରିପୋର୍ଟର): ବନ୍ଧୁକ ଦେଖାଇ ୬ ଲକ୍ଷ ଲୁଟ୍ ହୋଇଛି।  ଖୋର୍ଦ୍ଧା ବାଣପୁରରେ ବିଦ୍ୟୁତ ବିଭାଗ ସୁପରଭାଇଜରଙ୍କଠାରୁ ବନ୍ଧୁକ ଦେଖାଇ ଲୁଟି ନେଲେ ୬ ଲକ୍ଷ ଟଙ୍କା । ବ୍ୟାଙ୍କ ଟଙ୍କା ଜମା କରିବାକୁ ଯାଉଥିବାବେର ଏହି ଲୁଟ ହୋଇଥିବା ଜଣାପଡିଛି ।  ଦୁଇ ଦୁର୍ବୃତ୍ତ ଏକ ବାଇକ୍‌ରେ ଆସି ସୁପରଭାଇଜରଙ୍କୁ ଅଟକାଇଥିଲେ ।

ଏହାପରେ ବନ୍ଧୁକ ଦେଖାଇ ତାଙ୍କଠାରୁ ୬ ଲକ୍ଷ ଟଙ୍କା ଲୁଟି ନେଇଥିଲେ।  ଲୁଟ୍ କରିବା ପରେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି ୨ ଦୁର୍ବୃତ୍ତ । ଘଟଣାରେ ପୁଲିସ ତନାଘନା ଆରମ୍ଭ କରିଛି।  ଲୁଟର ଶିକାର ହୋଇଥିବା ସୁପର ଭାଇଜର ହେଲେ ସଂଜିତ ପ୍ରଧାନ। ସେ କହିଛନ୍ତି ଯେ, ମୁଁ ସବୁବେଳେ ଡିପାର୍ଟମେଣ୍ଟାଲ କ୍ୟାସ ନେଇ ଡିପୋଜିଟ୍‌ କରେ। ଆଜି ମଧ୍ୟ ମୁଁ ଅଫିରୁ ୧୨ଟାରେ ବାହାରିଥିଲି। କିନ୍ତୁ ମୋତେ କେହି ଜଣେ ବାଇକ୍‌ରେ ଫଲୋ କରୁଥିବା ଲାଗିଲା। ଆଉ ଏକ ଖୋଲା ଜାଗାରେ ମୋତେ ଓଭରଟେକ୍‌ କରି ମୋ ସାମ୍ନାରେ ଗାଡ଼ିଟି ଲଗେଇ ଦେଲା। ଗାଡ଼ିରେ ୨ ଜଣ ଥିଲେ। ହଠାତ୍‌ ବନ୍ଧୁକ ଲଗେଇ ଦେଇ ଟଙ୍କା ବ୍ୟାଗଟିକୁ ଛଡ଼େଇ ନେଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।