୨ ଦିନରେ ୬ ଶିଶୁ ପ୍ରତି ପାଶବିକ ଅତ୍ୟାଚାର

<p>ଭୁବନେଶ୍ୱର,(ଓଡ଼ିଶା ରିପୋର୍ଟର): କଟକ ଓ କେନ୍ଦ୍ରାପଡ଼ା ଜିଲ୍ଲାରେ ଲଜ୍ଜା। &nbsp;&nbsp;ଗତ ଦୁଇ ଦିନ ଭିତରେ ଉଭୟ ଜିଲ୍ଲାରୁ ୬ ଜଣ ନାବାଳିକାକୁ ଦୁଷ୍କର୍ମ ଓ ଅସଦାଚରଣ ଅଭିଯୋଗ ଆସିଛି । &nbsp;ସମସ୍ତ ମାମଲାରେ ପୋଲିସ ଅଭିଯୁକ୍ତକୁ ଗିରଫ କରିଥିବା ବେଳେ କିଛି ଘଟଣାରେ ପୀଡ଼ିତାଙ୍କ ସ୍ୱାସ୍ଥ୍ୟବସ୍ତା ଗୁରୁତର ରହିଛି। ସେପଟେ ୧୨ ବର୍ଷରୁ କମ ବୟସର ନାବାଳିକା ଦୁଷ୍କର୍ମ ପାଇଁ ମୃତ୍ୟୁ ଦଣ୍ଡାଦେଶ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଜାରି ହୋଇଥିବା ଅଧ୍ୟାଦେଶ ଉପରେ ଲାଗିଛି ରାଷ୍ଟ୍ରପତିଙ୍କ ମୋହର।</p> <p>ଗତକାଲି ରାତିରେ ସାଲେପୁର ଜଗନ୍ନାଥପୁରର ୟୁପି ସ୍କୁଲ୍ ପିଣ୍ଡାରୁ ମୁମୂର୍ଷୁ ଅବସ୍ଥାରେ ମିଳିଥିଲା ୬ ବର୍ଷୀୟା ନାବାଳିକା । &nbsp;ଚକୋଲେଟ୍ ଆଣିବାକୁ ଯାଇ ଘରକୁ ଫେରି ନ ଥିଲା ଝିଅ। &nbsp;&nbsp;ଏଇ ଚକୋଲେଟ ଓ ରକ୍ତଦାଗ ବୟାନ କରୁଛି କେତେ ବିଭତ୍ସ ଥିଲା ପାଶବିକତା । &nbsp;ଆଉ ଆଜି ପୋଲିସ ସେଠାରେ ଛାନ୍&zwnj;ଭିନ୍ କରିବା ସହ ଦୁଷ୍କର୍ମ ଅଭିଯୋଗରେ ସେହି ଗାଁର ଜଣଙ୍କୁ ଗିରଫ କରିଛି । &nbsp;ସେପଟେ ନାବାଳିକାକୁ କଟକ ବଡ଼ମେଡିକାଲ୍ ଶିଶୁ ବିଭାଗ ଟ୍ରମାକେୟାର୍ ଆଇସିୟୁରେ ଚିକିତ୍ସା କରୁଛି ୧୩ ଜଣିଆ ଡାକ୍ତରୀ ଟିମ୍ । &nbsp;ଶିଶୁର ଅବସ୍ଥା ଏବେବି ଗୁରୁତର ଅଛି।</p> <p>କେନ୍ଦ୍ରାପଡ଼ା ମାର୍ଶାଘାଇ ଥାନା ତିଖିରିରେ ଆଜି ସାମ୍ନାକୁ ଆସିଛି ଆଉ ଏକ ଜଘନ୍ୟ ଘଟଣା। &nbsp;&nbsp;ଗତ ଶୁକ୍ରବାର ରାତିରେ ଜଣେ ୪ ବର୍ଷର ଝିଅକୁ ୧୪ବର୍ଷୀୟ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି। &nbsp;ସେପଟେ ତିନିମୁହାଣିରେ ଆଜି ସ୍ପଷ୍ଟ ଦିବାଲୋକରେ ଅସଦାଚରଣର ଶିକାର ହୋଇଛି ଜଣେ ୭ବର୍ଷୀୟା ଝିଅ । ଖୁଣ୍ଟୁଣୀ ଥାନା ଟାଙ୍ଗରସାହିରେ ଗତକାଲି ନାବାଳିକାକୁ ଘରେ ପଶି ଜଣେ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । &nbsp;କିଶୋରନଗର ମହମ୍ମଦପୁର ଓ କେସିଦାରେ ମଧ୍ୟ ଅସଦାଚରଣର ଶିକାର ହୋଇଛନ୍ତି ଆଉ ଦୁଇ ନାବାଳିକା । ଏସମସ୍ତ ମାମଲାରେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ।</p> <p>ସେପଟେ କେନ୍ଦ୍ର ସରକାରଙ୍କ ପକ୍ଷରୁ ଜାରି ହୋଇଥିବା ପକ୍ସୋ ସଂଶୋଧନ ସମ୍ପର୍କିତ ଅଧ୍ୟାଦେଶ ଉପରେ ଲାଗିଛି ରାଷ୍ଟ୍ରପତିଙ୍କ ମୋହର। &nbsp;&nbsp;ଏଣିକି ୧୨ ବର୍ଷରୁ କମ୍ ବୟସର ନାବାଳିକା ଦୁଷ୍କର୍ମକାରୀକୁ ମୃତ୍ୟୁ ଦଣ୍ଡ ମିଳିବ। &nbsp;&nbsp;୧୬ ବର୍ଷରୁ କମ୍ ବୟସର ନାବାଳିକାଙ୍କୁ ଦୁଷ୍କର୍ମ ହେଲେ ଅନୁନ୍ୟ ୨୦ ବର୍ଷ ଓ ଗଣ ଦୁଷ୍କର୍ମ ହେଲେ ମୃତ୍ୟୁ ପର୍ଯ୍ୟନ୍ତ କାରାଦଣ୍ଡ ମିଳିବ। &nbsp;&nbsp;୧୬ ବର୍ଷରୁ କମ୍ ବାଳିକାଙ୍କୁ ଦୁଷ୍କର୍ମ କିମ୍ବା ଗଣଦୁଷ୍କର୍ମ କ୍ଷେତ୍ରରେ ଅଭିଯୁକ୍ତଙ୍କୁ ଆଗୁଆ ଜାମିନ୍ ମିଳି ପାରିବ ନାହିଁ।</p> <p>ରାଜ୍ୟରେ ବଢି ଚାଲିଥିବା ଆଇନ ଶୃଙ୍ଖଳା ପରିସ୍ଥିତି ଅଭିଯୋଗ ନେଇ ଆଜି ରାଜ୍ୟ ବିଜେପି ଯୁବ ମୋର୍ଚ୍ଚା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଛି । &nbsp;ରାଜ୍ୟ ସରକାରଙ୍କ ବିରୋଧରେ ରାଜ୍ୟର ବିଭିନ୍ନ ସ୍ଥାନରେ ମୋର୍ଚ୍ଚା ପକ୍ଷରୁ ରାଲି ଓ ବିକ୍ଷୋଭର ଆୟୋଜନ&nbsp; କରାଯାଇଥିଲା । &nbsp;ମହିଳାଙ୍କ ପ୍ରତି ବଢ଼ୁଥିବା ହିଂସା ଏବଂ ଦୁଷ୍କର୍ମ ମାମଲାକୁ ନେଇ ଉଦ୍&zwnj;ବେଗ ପ୍ରକାଶ କରିଛି ଦଳ। &nbsp;ଦୁଷ୍କର୍ମକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବିରେ ମୋର୍ଚ୍ଚା ପକ୍ଷରୁ ଭୁବନେଶ୍ୱରରେ ରାଜ୍ୟ ବିଜେପି କାର୍ଯ୍ୟାଳୟରୁ ରାମ ମନ୍ଦିର ଯାଏଁ ଶୋଭାଯାତ୍ରା କରାଯିବା ସହ ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଥିଲା&nbsp; ସେପଟେ ବିଜେପିର ଅଭିଯୋଗକୁ ନେଇ ବିଜେଡିର ପ୍ରତିକ୍ରିୟା ମିଳିପାରିନାହିଁ।</p>