ବନ୍ଦ ହେଲା ୭ ଖଣି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବନ୍ଦ ହେଲା ୭ଟି ଖିଲାପି ଖଣି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ମୁତାବକ ଧାର୍ଯ୍ୟ ସମୟ ଅର୍ଥାତ ୩୧ ଡିସେମ୍ବର ଭିତରେ ଜରିମାନା ଦେଇପାରି ନଥିବାରୁ ଏସବୁ ଖଣିକୁ ବନ୍ଦ କରିଛନ୍ତି ରାଜ୍ୟ ସରକାର।</p> <p>ସିରାଜୁଦ୍ଦିନର ବଲଦା ମାଇନ୍ସ, ମେସ୍କୋର ରଇଡା, ଆଇଡିସିର ରଇଡା, ନ୍ୟାସନାଲ୍ ଏଣ୍ଟରପ୍ରାଇଜେସ୍&zwnj;ର କୋଇଡା, କ୍ରପ୍ ରିସୋରେସ୍&zwnj;ର ତନ୍ତ୍ର ମାଇନ୍ସ, ଏସେଏଲ୍ ମାଇନ୍&zwnj;ସ୍&zwnj; କୋଇଡା, ପାଟବାଡ ଓଏମ୍ଏମ୍ ଖଣି ଡିସେମ୍ବର ୩୧ ଭିତରେ ଜରିମାନା ବାବଦକୁ ପ୍ରାୟ ୪ହଜାର କୋଟି ଟଙ୍କା ଦେଇ ନଥିବାରୁ ରାଜ୍ୟ ସରକାର ଏସବୁ ଖଣି ଖୋଲିବା ଉପରେ ରୋକ୍ ଲାଗାଇଛନ୍ତି।</p> <p>ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ରାଜ୍ୟ ଖଣି ବିଭାଗ ମୋଟ ୧୩୧ ଲିଜ୍&zwnj;ଧାରୀଙ୍କୁ ଡିମାଣ୍ଡ ନୋଟିସ୍ ଜାରି କରିଥିଲା। ଯେଉଁଥିରେ କାର୍ଯ୍ୟକ୍ଷମ ଥିବା ୪୬ଟି ଆଇରନ୍ ଓର୍ ଓ ୮ଟି ମାଙ୍ଗନିଜ୍&nbsp; ଖଣି ରହିଥିଲା। ସେଥିମଧ୍ୟରୁ ପ୍ରାୟ ୪୩ ଖଣି ଲିଜ୍&zwnj;ଧାରୀ ଜରିମାନା ପ୍ରଦାନ କରିଛନ୍ତି। ଅନ୍ୟ କାର୍ଯ୍ୟକ୍ଷମ ନଥିବା ୭୭ଟି ଖଣି ମଧ୍ୟରୁ ୩୦ଖଣି ଲିଜଧାରୀ ମଧ୍ୟ&nbsp; ଫାଇନ ଦେଇଛନ୍ତି। ତେବେ ୧୭ ହଜାର ୫ଶହ କୋଟି ମଧ୍ୟରୁ ସରକାରଙ୍କ ଖାତାକୁ ଆସିଛି ୮ ହଜାର ୨୨୩ କୋଟି ଟଙ୍କା। ଆସନ୍ତା ୪ ତାରିଖରେ ରାଜ୍ୟ ସରକାର ସେଣ୍ଟ୍ରାଲ ଏମ୍ପପାଓ୍ୱାର୍ କମିଟି (ସିଇସି) ପାଖରେ ଷ୍ଟାଟସ୍ ରିପୋର୍ଟ ଦାଖଲ କରିବେ। ଆସନ୍ତା ୧୭ ତାରିଖରେ କୋର୍ଟରେ ଶୁଣାଣି ହେବ।</p> <p>ଅନ୍ୟପକ୍ଷରେ ୫୮ଟି ଖଣି ଲିଜଧାରୀ ଜରିମାନା ଦେଇନାହାନ୍ତି। ତେଣୁ ପ୍ରାୟ ୯ହଜାର ୭ଶହ କୋଟି ରାଜ୍ୟ ସରକାରଙ୍କ ଖାତାକୁ ଆସିନାହିଁ। ଏସବୁ ଖଣି ବନ୍ଦ ରହିଛି ସତ, ହେଲେ କିଭଳି ଜରିମାନା ଆଦାୟ ହେବ, ତାକୁ ନେଇ ଦ୍ୱନ୍ଦ ଲାଗି ରହିଛି।</p> <p>ଜରିମାନା ଦେଇ ନଥିବା ଲିଜଧାରୀମାନେ ଅଧିକ ସମୟ ମାଗିବା ସହ ଇନ୍&zwnj;ଷ୍ଟଲମେଣ୍ଟ ଆଧାରରେ ଜରିମାନା ଦେବା, ଖଣିଗୁଡିକର କାର୍ଯ୍ୟକ୍ଷମ ପାଇଁ ଅନୁମତି ଦେବା ନେଇ କୋର୍ଟକୁ ଅବଗତ କରାଇବେ।</p> <p>ଖଣି ଲିଜ୍&zwnj;ଧାରୀଠାରୁ ଆଦାୟ ହୋଇଥିବା ଅର୍ଥ ରାଜ୍ୟ ସରକାର କିଭଳି ଖର୍ଚ୍ଚ କରୁଛନ୍ତି ଓ ଅନାଦେୟଜରିମାନା କିଭଳି ଆଦାୟ କରୁଛନ୍ତି ତାହା ଉପରେ ଏବେ ସମସ୍ତଙ୍କ ନଜର।</p>