ପେଟ୍ରୋଲ ପମ୍ପରେ ଜଳିଲା କାର୍‌

ରାଉରକେଲା (ସତ୍ୟାନନ୍ଦ ମହାନ୍ତି): ପେଟ୍ରୋଲ୍‌ ପମ୍ପ ପରିସରରେ କାର୍‌ରେ ଲାଗିଲା ନିଆଁ। ଅଳ୍ପକେ ବର୍ତ୍ତିଲା ଧନ ଜୀବନ। ଆଜି ଏପରି ଘଟଣା ଷ୍ଟିଲ୍‌ ସିଟି ରାଉରକେଲାରେ ଘଟିଛି।

ଝାରଖଣ୍ଡ ରାଜ୍ୟର ରାଞ୍ଚି ଅଞ୍ଚଳର ଜଣେ ବ୍ୟକ୍ତି ରାଉରକେଲା ଆସିଥିଲେ। ସେ ଡେଲିମାର୍କେଟ୍‌ ରାମ ସେବକ କାଶୀନାଥ ପେଟ୍ରୋଲରେ ନିଜ କାରରେ ପେଟ୍ରୋଲ୍‌ ପକାଇଥିଲେ। ପେଟୋଲ୍‌ ପକାଇବା ପରେ ଗାଡ଼ି ଷ୍ଟାଟ୍‌ କରିବା ବେଳେ କାର୍‌ ଇଞ୍ଜିନରେ ନିଆଁ ଲାଗି ଯାଇଥିଲା। ନିଆଁ ଦେଖି ଚାଳକ କାର୍‌ ଛାଡ଼ି ଡେଇଁ ପଡ଼ିଥିଲେ। ଖବର ପାଇ ଅଗ୍ନିଶମ କର୍ମଚାରୀ ଓ ପ୍ଲାଣ୍ଟସାଇଟ୍‌ ପୁଲିସ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଦେଇଥିଲେ। ଫଳରେ ଏକ ବଡ଼ ଧରଣର ଦୁର୍ଘଟଣା ଏଡାଇ ଦିଆଯାଇ ପାରିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।