ଶ୍ରୀଜିଉଙ୍କୁ ୪ କେଜି ୮୫୮ ଗ୍ରାମ ସୁନା ଦାନ

ପୁରୀ (ଓଡ଼ିଶା ରିପୋର୍ଟର): ମହାପ୍ରଭୁଙ୍କୁ ୪ କେଜି ୮୫୮ ଗ୍ରାମ ସୁନା ଓ ୩ କେଜି ୮୭୬ ଗ୍ରାମ ରୁପା ଦାନ କଲେ ଜଣେ ଦାତା। ପବିତ୍ର ସରସ୍ୱତୀ ପୂଜା ଅବସରରେ ଶ୍ରୀମନ୍ଦିର ପ୍ରଶାସନ କାର୍ଯାଳୟରେ ସେହି ସୁନା ପହଞ୍ଚିଛି। ଏନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର।

ମହାପ୍ରଭୁଙ୍କ ସ୍ୱର୍ଣ୍ଣା ଅଳଙ୍କାର, ଝୋବା, ଶ୍ରୀମୁଖ ପଦ୍ମ, ଦେବୀ ସୁଭଦ୍ରାଙ୍କ ତଡକୀ ତିଆରି କରାଯାଇଛି। ଏଥିରେ ଶ୍ରୀବଳଭଦ୍ରଙ୍କ ୪୦ଟି ଶ୍ରୀମୁଖ ପଦ୍ମ, ୨ ଝୋବା, ଶ୍ରୀଜଗନ୍ନାଥ ଙ୍କ ୫୩ଟି ଶ୍ରୀମୁଖ ପଦ୍ମ, ୨ଟି ଝୋବା, ଦେବୀ ସୁଭଦ୍ରାଙ୍କ ୨ ତଡକୀ, ୨ ଝୋବା ରହିଛି ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ପ୍ରଶାସନ। ଶ୍ରୀମନ୍ଦିର ନାଜିର ଗୋଦାମ ଗୃହରେ ଯଉମୁଦ ଦିଆଯାଇ ଷ୍ଟ୍ରଙ୍ଗ ରୁମ୍‌ରେ ରହିଲା ଅଳଙ୍କାର। ସଶସ୍ତ୍ର ପୁଲିସ ମୁତୟନ, ଜଣେ ହାବିଲଦାରଙ୍କ ସହ ଚାରିଜଣ ଗାର୍ଡ ଜଗିବେ ଅଳଙ୍କାର।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।