ଭୁବନେଶ୍ୱର( ଓଡ଼ିଶା ରିପୋର୍ଟର): ଭୁବନେଶ୍ୱରର ଏକ ଘରୋଇ ମେଡିକାଲ କଲେଜର ପ୍ରଥମ ବର୍ଷର ଜଣେ ଛାତ୍ରୀଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। କଲେଜରେ ଛାଡ଼ି ଦେବାକୁ କହି ପିଅନ ମନୋଜ ଖଟୁଆ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଅଭିଯୁକ୍ତକୁ ପୋଲିସ୍ ଗିରଫ କରିଛି।
ତେବେ ଅଭିଯୁକ୍ତ ପିଅନ ଏହି ଘଟଣା ସମ୍ପର୍କରେ ଚାଞ୍ଚଲ୍ୟକର ବୟାନ ଦେଇଛନ୍ତି। ସେ କହିଛନ୍ତି,-“କ୍ୟାମ୍ପସ ଭିତରେ ମୁଁ ସଂପୃକ୍ତ ଛାତ୍ରୀଙ୍କୁ ଅସଞ୍ଜତ ଅବସ୍ଥାରେ ଦେଖିଥିଲି। ସଂପୃକ୍ତ ଛାତ୍ରୀ ଜଣେ ଛାତ୍ର ଓ ଜଣେ ଡାକ୍ତର ସହ ଖରାପ କାମ କରୁଥିଲେ। ଏକଥା ସକାଳେ ପ୍ରିନ୍ସିପାଲଙ୍କୁ କହିବି ବୋଲି ମୁଁ ତାଙ୍କୁ କହିଥିଲି। ସେମାନେ ମୋତେ ଭୁଲ ମାଗିଥିଲେ ଓ କାହାକୁ ନ କହିବାକୁ କହିଥିଲେ। ମୁଁ ରୁମକୁ ଫେରି ଶୋଇଥିଲା ବେଳେ ରାତି ପ୍ରାୟ ୪ଟାରେ ମୋତେ ଉଠାଇ ନିଆଯାଇଥିଲା।”
ମେଡିକାଲ କଲେଜ ମୁଖ୍ୟ ତିରୁପତି ପ୍ରାଣିଗ୍ରାହୀ କହିଛନ୍ତି-“କାଲି ରାତି ପ୍ରାୟ ୭ଟା ୩୦ରେ ଏହି ଘଟଣା ଘଟିଥିବା ଅଭିଯୋଗ ହୋଇଛି। ରାତି ୧୨ଟାରେ ଘଟଣା ସଂପର୍କରେ ଆମ ନଜରକୁ ଆସିଲା। ପୋଲିସକୁ ଡାକି ଅଭିଯୁକ୍ତକୁ ଚିହ୍ନଟ କରି ଜିମାରେ ଦେଇଥିଲୁ। ପୋଲିସକୁ ପୂର୍ଣ୍ଣ ସହଯୋଗ କରୁଛୁ। ଅଭିଯୁକ୍ତଙ୍କୁ କଡ଼ା ଦଣ୍ଡ ଦିଆଯାଉ।”
https://youtu.be/TgB2mUAhVFU