କେନ୍ଦୁଝର(ପ୍ରଣୟ କୁମାର ପାଣି):ଲୋକେ ମନା କରୁଥିଲେ। ହେଲେ ଡ୍ରାଇଭର ଶୁଣିଲେନି। ଆଉ ଅମାନିଆ ହୋଇ ଗାଡ଼ି ଚଲାଇ ଯିବା ବେଳେ ଫସିଗଲେ। ମୂଷଳଧାରାରେ ଆସୁଥିବା ବନ୍ୟା ପାଣିରେ ଫସିଗଲା ଟ୍ରକ୍। କେନ୍ଦୁଝର ପାଟଣା ଥାନା ସ୍ଵାମ ପାଟଣା ନିକଟରେ ଏମିତି ଅଭାବନୀୟ ଘଟଣା ଘଟିଛି। ଭାରସାମ୍ୟ ହରାଇ ଉଚ୍ଛୁଳା ପାଣିରେ ଭାସି ଯାଇଛି ଏକ ମିନିଟ୍ରକ ।
କେନ୍ଦୁଝର ପାଟଣା ଥାନା ସ୍ଵାମ ପାଟଣା ନିକଟରେ ସ୍ଵାମ ନାଳରେ ବର୍ଷା ପାଣି ୩ ଫୁଟ ଉଚ୍ଚରେ ଚାଲୁଛି। ତେବେ ଲୋକଙ୍କ ବାରଣ ସତ୍ୱେ ଏକ ଧାନ ବୋଝେଇ ମିନିଟ୍ରକ ଜବରଦସ୍ତ ପାରିହେବାକୁ ଚେଷ୍ଟା କରି ଭାରସାମ୍ୟ ହରାଇ ଉଛୁଳା ନାଳରେ ଭାସି ଯାଇଥିଲା ।
ଫଳରେ ଡ୍ରାଇଭର ସହ ଟ୍ରକ ଟି ପାଣିରେ ଭାସି ଯାଇଥିଲା । ବହୁ ଚେଷ୍ଟା ପରେ ସ୍ଥାନୀୟ ଲୋକ ଡ୍ରାଇଭରକୁ ଉଦ୍ଧାର କରି ପାଟଣା ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି । ଏହି ଲଗାଣ ବର୍ଷା ଫଳ ରେ ଢେଙ୍କି କୋଟ ପାଟଣା ରାସ୍ତା ରେ ଓ ଟାଙ୍ଗରପଡା ନିକଟସ୍ଥ କେନ୍ଦୁଝର ପାଟଣା ରାସ୍ତାରେ ଯୋଗାଯୋଗ ବିଚ୍ଛିନ୍ନ ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
