ସୋର (ନିରଞ୍ଜନ ବେହେରା): ବାଲେଶ୍ୱର ଜିଲ୍ଲା ସୋର ଥାନା ମୂଳିସିଂ ପଞ୍ଚାୟତ ଅନ୍ତର୍ଗତ ତେନ୍ତୁଳିଗଛି ଗାଁରେ ଘଟିଛି ଏକ ଦୁଃଖଦ ଘଟଣା। ଆଜି ଏଠାରେ ଏକ ଦେଢ଼ ବର୍ଷର ଶିଶୁପୁତ୍ର କିରୋସିନି ପିଇ ଦେବାରୁ ତା’ର ମୃତ୍ୟୁ ଘଟିଥିବା ଅଭିଯୋଗ ହୋଇଛି।
ମୃତ ଶିଶୁର ନାଁ ଦେବାଶିଷ ପୁଥାଳ। ତା’ ବାପାଙ୍କ ନାଁ ଗୁରୁପ୍ରସାଦ ପୁଥାଳ। ଆଜି ସକାଳେ ଗୁରୁପ୍ରସାଦ ଓ ତାଙ୍କ ପତ୍ନୀ ବିଲକୁ ଯାଇଥିଲେ। ଘରେ ଅନ୍ୟ ସଦସ୍ୟଙ୍କ ସହିତ ଥିଲା ଦେବାଶିଷ। ସେ ଘରେ ଖେଳୁଥିବା ବେଳେ ଏକ ବୋତଲରେ ଥିବା କିରୋସିନି ପିଇ ଦେଇଥିଲା l ଘରର ଜଣେ ସଦସ୍ୟ ତା’ ହାତରେ କିରୋସିନି ବୋତଲଟିକୁ ଦେଖିଥିଲେ। ଏହା ପରେ ଦେବାଶିଷ ବାନ୍ତି କରିଥିଲେ। ତାଙ୍କ ବାନ୍ତିରେ ରକ୍ତ ମଧ୍ୟ ପଡ଼ିଥିଲା।
ସଙ୍ଗେ ସଙ୍ଗେ ଗାଁ ଲୋକଙ୍କ ସହାୟତାରେ ଛୁଆଟିକୁ ଡାକ୍ତରଖାନାକୁ ନିଆଯାଇଥିଲା। ତେବେ ଡାକ୍ତରଖାନାରେ ପହଞ୍ଚିଲା ବେଳକୁ ତା’ର ମୃତ୍ୟୁ ହୋଇଯାଇଥିଲା। ଏହି ଘଟଣାରେ ପୂରା ଗାଁରେ ଶୋକରଛାୟା ଖେଳିଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
