ନୂଆପଡ଼ା(ମାୟାଧର ସରାଫ୍): ରାସ୍ତା ଖରାପ ଯୋଗୁ ଗାଁକୁ ଗାଡ଼ି ଆସିପାରିଲାନି। ତେଣୁ ଖଟିଆରେ ବୁହା ହେଲେ ରୋଗୀ। ଏଥର ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ୍ ବାଗପଡ଼ା ଗାଁରେ।
ଗାଁର ଧନେଶ୍ୱର ମାଝୀଙ୍କ ଦେହ ଅସୁସ୍ଥ ହେବାରୁ ତାଙ୍କ ପରିବାର ଲୋକେ ନିକଟସ୍ଥ ଖଡ଼ିଆଳ ସରକାରୀ ଡାକ୍ତରଖାନାକୁ ନେବାକୁ ଯୋଜନା କଲେ। ତେଣୁ ସେମାନେ ଏକ ବୋଲେରୋକୁ ଫୋନ୍ କରିଥିଲେ। ହେଲେ ରାସ୍ତା ଖରାପ ଥିବାରୁ ବୋଲେରୋ ଗାଁ ଭିତରକୁ ଯାଇପାରି ନଥିଲା। ଶେଷରେ ରୋଗୀଙ୍କ ସମ୍ପର୍କୀୟମାନେ ତାଙ୍କ ଏକ ଖଟିଆରେ ବୋହି ବୋଲେରୋ ନିକଟକୁ ଆଣିଥିଲେ। ସେମାନେ ଧନେଶ୍ୱରଙ୍କୁ ପ୍ରାୟ ଦୁଇ କିଲୋମିଟ ଖଟରେ ବୋହି ଆଣିଥିଲେ।
ଏବେ ଖଡ଼ିଆଳ ଡାକ୍ତରଖାନାରେ ଧନେଶ୍ୱର ଚିକିତ୍ସିତ ହେଉଛନ୍ତି। ସେ ସୁସ୍ଥ ଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
