ମାତାଲ୍‌ ଟ୍ରାଫିକ୍‌ ପୋଲିସ୍‌ଙ୍କ ଉନ୍ମତ୍ତ କାଣ୍ଡ, ଡ୍ରାଇଭରଙ୍କୁ ପିଟିଲେ, ଭିଡିଓ ଭାଇରାଲ

<p>ବଲାଙ୍ଗିର (ସସ୍ମିତା ସାହୁ): ଏବେ ଚର୍ଚ୍ଚାରେ ବଲାଙ୍ଗିର ପୋଲିସ। ପୋଲିସଗିରିକୁ ନେଇ ନୁହେଁ ବରଂ ଏଥର ଚର୍ଚ୍ଚାରେ ପୋଲିସର ଦବଙ୍ଗଗିରି। ମାତାଲ ଟ୍ରାଫିକ କନେଷ୍ଟବଳଙ୍କ ମାଡ଼ରେ ଲହୁଲୁହାଣ ହୋଇଛନ୍ତି ଜଣେ ଡ୍ରାଇଭର। ଗତକାଲି ରାତି ୧୦ଟାରେ ଏହି ଘଟଣା ଘଟିଛି। ଜାଗା ଟିକେ ଶୂନଶାନ ଥିଲେ ବି, ମାତାଲ ପୋଲିସ ବାବୁଙ୍କ ସବୁ କାରନାମା କଏଦ ହୋଇଛି ଜଣେ ଦର୍ଶକଙ୍କ ମୋବାଇଲରେ । ଆଉ ସକାଳୁ ସକାଳୁ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ଥାନାରେ ପହଞ୍ଚିଛି ଅଭିଯୋଗ। &nbsp;ଅଭିଯୁକ୍ତ ପୋଲିସ ବାବୁଙ୍କୁ ଚିହ୍ନଟ କରି ଥାନାରେ ଅଟକ ବି ରଖାଯାଇଛି।</p> <p>ବୁଧବାର ବିଳମ୍ବିତ ରାତିରେ ଟ୍ରକ ଡ୍ରାଇଭର ଶତୃଘ୍ନ ମେହେର&nbsp; ଗାଡି ନେଇ ଯାଉଥିବା ବେଳେ ମାତାଲ ଅବସ୍ଥାରେ ଥିବା ଟ୍ରାଫିକ୍&zwnj; ପୋଲିସ ପ୍ରଶାନ୍ତ ଭୋଇ ରାସ୍ତା ଉପରେ ତାଙ୍କୁ ଅଟକାଥିଲେ। ବିନା କାରଣରେ ଝଗଡା କରିବା ସହ ପୋଲିସ ବାବୁ ଜଣକ ରାସ୍ତା ମଝିରେ ଗାଡି ଅଟକାଇ, ଯା ଇଚ୍ଛା ତା ଗାଲିଗୁଲଜ କରିଥିଲେ । ଏତିକିରେ ମନ ଶାନ୍ତ ନ ପଡିବାରୁ ପୋଲିସ ବାବୁ ନିଜ ବେଲ୍ଟ ଖୋଲି ବିଚରା ଡ୍ରାଇଭରଙ୍କ ମୁଣ୍ଡରେ ନିସ୍ତୁକ ପ୍ରହାର କରିଥିଲେ । ଦେଖୁ ଦେଖୁ ଲହୁଲୁହାଣ ହୋଇଗଲେ ଡ୍ରାଇଭର। କିଛି ସ୍ଥାନୀୟ ଲୋକ ଘଟଣାରେ ହସ୍ତକ୍ଷେପ କରିବାରୁ ଟ୍ରାଫିକ୍&zwnj; ଅଧିକାରୀ ଭୋଇ ଫେରାର ହୋଇଯାଇଥିଲେ। ପି.ସି.ଆର ଭ୍ୟାନ ପହଞ୍ଚି ଗୁରୁତର ଅବସ୍ଥାରେ ଡ୍ରାଇଭରଙ୍କୁ ଉଦ୍ଧାର କରି ଡାକ୍ତରଖାନା ନେଇଥିଲା। କିନ୍ତୁ ଅଭିଯୁକ୍ତ ଟ୍ରାଫିକ ପୋଲିସଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଇ ନ ଥିଲା ପୋଲିସ।&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; ବରଂ ଲିଖିତ ଅଭିଯୋଗ ଆସିଲେ ତଦନ୍ତ କରିବୁ ବୋଲି କୁହାଯାଇଥିଲା।</p> <p>ରାତି ପାହି ସକାଳ ହେଲା ବେଳକୁ ସୋସିଆଲ ମିଡିଆରେ ଏ ସମ୍ପର୍କିତ ଭିଡିଓ ଭାଇରାଲ ହୋଇଥିଲା । ପୀଡିତ ଡ୍ରାଇଭର ଜଣକ ବିଭିନ୍ନ ସାମାଜିକ ଅନୁଷ୍ଠାନର ସହଯୋଗରେ, ଥାନାକୁ ଆସି ଲିଖିତ ଅଭିଯୋଗ କରିଛନ୍ତି। ଅଭିଯୋଗର ସତ୍ୟତା ଥିଲେ ମଧ୍ୟ ଦିନ ଦୁଇଟା ପର୍ଯ୍ୟନ୍ତ ମେଡିକାଲ ଟେଷ୍ଟ ପାଇଁ ଅଭିଯୁକ୍ତଙ୍କୁ ପଠାଯାଇ ନ ଥିଲା ।</p>