ମାଲକାନଗିରି (ଜିତେନ୍ଦ୍ର ଦେଉରା): ଚୋରି ହୋଇଥିବା ଦେବୀଙ୍କ ମୂର୍ତ୍ତି ଖୋଜିଲା ଲାଠି। କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ମାଲକାନଗିରି ଜିଲ୍ଲା ଖଇରପୁଟ ବ୍ଲକ୍ ପୁରୁଣାଗୁମାରେ ଏପରି ଘଟଣା ଦେଖିବାକୁ ମିଳିଛି। ଯାହା ବର୍ତ୍ତମାନ ସେହି ଅଞ୍ଚଳରେ ଚର୍ଚ୍ଚା ସୃଷ୍ଟି କରିଛି।
ଗତକାଲି ରାତିରେ ପୁରୁଣାଗୁମାରେ ପ୍ରସିଦ୍ଧ ଭୈରବୀ ପୀଠରୁ ଦେବୀଙ୍କ ମୂର୍ତ୍ତି ଚୋରି ହୋଇଥିଲା। ସକାଳେ ଏହି ଘଟଣା ପ୍ରଘଟ ହେବା ପରେ ଶହ ଶହ ସଂଖ୍ୟାରେ ଶ୍ରଦ୍ଧାଳୁ ପୀଠରେ ପହଞ୍ଚିଥିଲେ ଏବଂ ପୂଜକଙ୍କ କହିବା ଅନୁସାରେ ଚୋର ଧରିବା ପାଇଁ ଏକ ଲାଠିକୁ ପୂଜା କରିଥିଲେ।
ଲାଠିଟିକୁ ପୂଜା କରି ପ୍ରାୟ ତିନି ଘଣ୍ଟାରୁ ଅଧିକ ସମୟ ଧରି ଗାଁରେ ବୁଲାଇବା ପରେ ଭୈରବୀଙ୍କ ପୀଠରୁ ପ୍ରାୟ ୧୦ କିଲୋମିଟର ଦୂର ଗାଦିପୁଟ ଗାଁରେ ଅଟକିଥିଲା।
ଗାଁରେ ଲାଠିଟି ଜଣଙ୍କ ଘରେ ପଶିଥିଲା ଏବଂ ଆଶ୍ଚର୍ଯ୍ୟର କଥା ଯେ ସେହି ଘରୁ ଖୋଜାଖୋଜି କରିବା ପରେ ଚୋରି ହୋଇଥିବା ଭୈରବୀଙ୍କ ମୂର୍ତ୍ତି ଉଦ୍ଧାର ହୋଇଥିଲା। ଏହି ଘଟଣାରେ ଉତ୍ତେଜିତ ହୋଇ ଗ୍ରାମବାସୀ ଘରଟିକୁ ସମ୍ପୂର୍ଣ୍ଣ ଭାଙ୍ଗି ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
