ରାୟଗଡ଼ା(ମନୋଜ ମୁନି): ଚିକିତ୍ସା ହେବାକୁ ହସ୍ପିଟାଲରେ ଆଡମିଟ ହୋଇଥିବା ଜଣେ ଯୁବତୀ ୩ ମହଲାରୁ ଡେଇଁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଏପରି ଅଭାବନୀୟ ଘଟଣା ରାୟଗଡ଼ା ହସ୍ପିଟାଲରେ ଆଜି ଭୋରରୁ ହୋଇଛି। ମୃତ ଯୁବତୀଙ୍କ ଘର ସଦର ଥାନା ତୁମ୍ବିଗୁଡ଼ା ଗାଁରେ ବୋଲି ସୂଚନା ମିଳିଛି ।
ମିଳିଥିବା ସୂଚନା ଅନୁଯାୟୀ, ଅସୁସ୍ଥତା ଯୋଗୁଁ ଗତ ୭ ତାରିଖରେ ଯୁବତୀ ଜଣକ ହସ୍ପିଟାଲରେ ଭର୍ତ୍ତି ହୋଇଥିଲେ । ତାଙ୍କୁ ଜ୍ୱର ହୋଇଥିଲା। ଚିକିତ୍ସାଧୀନ ଥିବା ବେଳେ ଆଜି ଭୋର ପ୍ରାୟ ୪ଟାରେ ସେ ବାଥରୁମ୍କୁ ଯାଇ ଭିତରପଟୁ କବାଟ ବନ୍ଦ କରି ଦେଇଥିଲେ। ଏହାପରେ ବାଥରୁମ୍ର କାଚ ଝରକା ଭାଙ୍ଗି ତଳକୁ ଡେଇଁ ପଡ଼ିଥିଲେ । ଘଟଣାସ୍ଥଳରେ ଯୁବତୀଙ୍କ ମୃତ୍ୟୁ ହୋଇଥିଲା।
ଏନେଇ ପୁଲିସ୍କୁ ଖବର ଦିଆଯାଇଥିବା ବେଳେ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ କରିଛି। ଯୁବତୀଜଣକ କାହିଁକି ଆତ୍ମହତ୍ୟା କଲେ ଜଣା ପଡ଼ି ନ ଥିବା ବେଳେ ପୁଲିସ୍ ତଦନ୍ତ ପରେ ଘଟଣା ସାମନାକୁ ଆସିବ ବୋଲି ରାୟଗଡ଼ା ଏଡିଏମ୍ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
