ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କୋରାପୁଟ(ଓଡ଼ିଶା ରିପୋର୍ଟର): ଜଳପ୍ରପାତରେ ଫଟୋ ଉଠାଇବା ହେଲା କାଳ। ଫଟୋ ଉଠାଇବା ବେଳେ ୫୦ଫୁଟ୍‌ ଜଳପ୍ରପାତରୁ ତଳକୁ ଖସି ପଡ଼ି ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି। କୋରାପୁଟ ଜିଲ୍ଲା ପଟାଙ୍ଗି ବ୍ଲକ ଗାଲିଗବଡ଼ରେ ଥିବା ରତି ବାଲି ଜଳପ୍ରପାତରେ ଏହି ଅଘଟଣ ଘଟିଛି। ଗୁରୁତର ଯୁବକଙ୍କ ନାଁ ହେଲା ସୁବ୍ରତ ନାଗ(୨୪)। ତାଙ୍କ ଘର କଳାହାଣ୍ଡି ଜିଲ୍ଲାରେ।</p> <p>ଗତକାଲି ସୁବ୍ରତ ଏହି ଜଳପ୍ରପାତକୁ ବୁଲିବାକୁ ଯାଇଥିଲେ। ସେଠାରେ ସେ ଫଟୋ ଉଠାଇବା ସମୟରେ ଗୋଡ଼ ଖସି ଯାଇଥିଲା। ସୁବ୍ରତ ପ୍ରାୟ ୫୦ଫୁଟ୍ ଉପରୁ ତଳକୁ ଖସି ପଡ଼ିଥିଲେ। ସାଙ୍ଗରେ ଯାଇଥିବା କେତେକ ଯୁବକ ତାଙ୍କୁ ବହୁ କଷ୍ଟରେ ଉଦ୍ଧାର କରି ଉପରକୁ ଆଣିଥିଲେ। ତାଙ୍କୁ ପ୍ରଥମେ ପଟ୍ଟାଙ୍ଗି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ହେବାରୁ ସୁବ୍ରତଙ୍କୁ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
