କୁଚିଣ୍ଡା (ଦେବେନ୍ଦ୍ର ବେହେରା): ଘରେ ପଶିଗଲା ଟ୍ରକ୍। ଆହତ ହେଲେ ଯୁବତୀ। ଏମିତି ଏକ ଦୁର୍ଘଟଣା ଘଟିଛି ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ ଅଞ୍ଚଳରେ।
ଝାରସୁଗୁଡା-ଦେବଗଡ଼ ୪୯ ନମ୍ବର ଜାତୀୟ ରାଜପଥର ଜୁନାନୀ ଠାରେ ଗତକାଲି ରାତିରେ ଏକ ଟ୍ରକ୍ ଭାରସାମ୍ୟ ହରାଇ ଏକ ଘରେ ପଶି ଯାଇଥିଲା। ଏହି ମାଲବାହୀ ଟ୍ରକ୍ଟି କୁଚିଣ୍ଡା ପଟରୁ ଝାରସୁଗୁଡ଼ା ଅଭିମୁଖେ ଯାଉଥିବା ବେଳେ ରାସ୍ତାକଡ଼ରେ ଥିବା ବିନୋଦ ପ୍ରଧାନଙ୍କ ଘରକୁ ଧକ୍କା ଦେଇଥିଲା। ଟ୍ରକ୍ ଧକ୍କାରେ ଘରର କାନ୍ଥ ଭାଙ୍ଗି ଯାଇଥିବା ବେଳେ ଖପର ପଡ଼ି ନଷ୍ଟ ହୋଇଯାଇଛି। ଖଟ, ମୋବାଇଲ୍ ଓ ଆସବାବପତ୍ର ମଧ୍ୟ ନଷ୍ଟ ହୋଇଯାଇଛି। ତା’ସହିତ ଘରେ ଶୋଇଥିବା ବିନୋଦଙ୍କ ଝିଅ ଶୈଳେନ୍ଦ୍ରୀ ଆହତ ହୋଇଛନ୍ତି।
ଆହତ ଶୈଳେନ୍ଦ୍ରୀ କହିଛନ୍ତି ଯେ ଟ୍ରକ୍ ଘରକୁ ଧକ୍କା ଦେବା ବେଳେ ସେ ଶୋଇଥିଲେ। କାନ୍ଥ ଭାଙ୍ଗି ଇଟା ତାଙ୍କ ଉପରେ ପଡ଼ିଥିଲା। ଫଳରେ ତାଙ୍କ ହାତଗୋଡ଼ରେ ଆଘାତ ଲାଗିଥିଲା। ତାଙ୍କ ହାତଗୋଡ଼ ଫୁଲି ଯାଇଛି। ତାଙ୍କ ମୋବାଇଲ୍ ମଧ୍ୟ ଭାଙ୍ଗି ଯାଇଥିବା ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
