ବାସ୍ତବ ଜୀବନରେ ଆଉ ଜଣେ ମାଂଝୀ ବୁଢ଼ାର କାହାଣୀ: ନିଜ ଘରକୁ ରାସ୍ତାଟିଏ ପାଇଁ କାଟିଦେଲେ ୫ କିମି ପାହାଡ଼

<p>ଭୁବନେଶ୍ୱର(ଓଡ଼ିଶା ରିପୋର୍ଟର): &lsquo;ମାଂଝୀ ଦ ମାଉଣ୍ଟେନ୍ ମ୍ୟାନ୍&rsquo;। ଗାଁକୁ ରାସ୍ତା ନଥିବାରୁ ପାହାଡ଼ରୁ ପଡ଼ି ପତ୍ନୀଙ୍କ ମୃତ୍ୟୁ ପରେ ଏକା ଏକା ପାହାଡ଼ର ଛାତି ଚିରି ରାସ୍ତା ତିଆରି କରିଥିଲେ ଜଣେ ପାହାଡ଼ି ମଣିଷ ଦଶରଥ ମାଂଝୀ। ଏହି କାହାଣୀ ହୁଏତ ଆପଣ ସିନେମା ପରଦାରେ ଦେଖିଥିବେ। ହେଲେ ଆମେ ଆଜି ଆମ ରାଜ୍ୟର ଏମିତି ଜଣେ ଦଶରଥ ମାଂଝୀଙ୍କ କାହାଣୀକୁ ସାମ୍ନାକୁ ଆଣିବା ପାଇଁ ଯାଉଛୁ, ଯିଏ ନିଜ ପରିବାର ପାଇଁ ଦୁଇ ଦୁଇଟି ପାହାଡ଼ କାଟି ୫-୬ କିଲୋମିଟର ରାସ୍ତା ବନେଇ ସାରିଲେଣି। ବଣ ଜଙ୍ଗଲ ଘେରା କନ୍ଧମାଳ ଜିଲ୍ଲା ତୁଡିପାଜୁ ପଞ୍ଚାୟତର ଗୁମି ଗାଁରୁ ଦେଖିବାକୁ ମିଳିଛି ଓଡ଼ିଶାର ମାଉଣ୍ଟେନ୍ ମ୍ୟାନ୍ ଜଳନ୍ଧର ନାଏକଙ୍କ କାହାଣୀ।</p><p>ଜବତକ୍ ତୋଡ଼େଙ୍ଗେ ନେହିଁ, ତବ୍&zwnj;ତକ୍ ଛୋଡ଼େଙ୍ଗେ ନେହିଁ...। &lsquo;ମାଂଝୀ ଦି ମାଉଣ୍ଟେନ୍ ମ୍ୟାନ&rsquo; ଫିଲ୍ମରେ ମୁଖ୍ୟ ଚରିତ୍ର ଦଶରଥ ମାଂଝୀଙ୍କ ଏଇ ମଜଭୁତ୍ ଇରାଦା ଆଗରେ ଖଣ୍ଡ ଖଣ୍ଡ ହୋଇ ଝଡ଼ି ପଡ଼ିଥିଲା ପାହାଡ଼ର ଦମ୍ଭ। ଆଉ ଏଠି ବି ସେଇ ପର୍ବତ ଭଳି ମଝବୁତ୍ ଦମ୍ଭ। ପାହାଡ଼ର ଛାତି ବିଦାରି ବିକାଶର ରାସ୍ତାକୁ ନିଜ ଘର ଯାଏଁ ନେବାର ଝୁଙ୍କ୍ ଓ ଅକଳ୍ପନୀୟ ସଂକଳ୍ପ। ଇଏ କନ୍ଧମାଳର ମାଉଣ୍ଟେନ୍ ମ୍ୟାନ୍-ଜଳନ୍ଧର। ନିଜ ପାଇଁ ନିଜ ଉତ୍ତରପିଢ଼ି ଲାଗି ଏକା ଏକା ବିଶ୍ୱକର୍ମା ସାଜିଥିବା ଗୁମି ଗାଁର ଆଦିବାସୀ ମଣିଷ ଜଳନ୍ଧର ନାଏକ।</p><p>&lt;a href=&quot;&quot;&gt;(image) &lt;/a&gt;ଇଏ ଏମିତି ସେମିତି ଚେଷ୍ଟା ନୁହେଁ। ଦୁର୍ଗମ ପାହାଡ଼ ଜଙ୍ଗଲ ଘେରରେ ଗୋଟିଏ ସାହି, ଗୋଟିଏ ଘର। ବାସିନ୍ଦା କହିଲେ ଜଳନ୍ଧରଙ୍କ ଗୋଟିଏ ପରିବାର। ଫୁଲବାଣୀ ସହର ଏଠୁ ପ୍ରାୟ ୨୦ କିଲୋମିଟର ଦୂର। ଘରେ ସ୍ତ୍ରୀ, ବୁଢ଼ା ବାପା ତିନିପୁଅ ବାହାରେ ଆଶ୍ରମ ସ୍କୁଲରେ ପଢ଼ନ୍ତି। ହେଲେ ନିଜ ବିକାଶ ରାସ୍ତାରେ ବାଟ ଓଗାଳିଛି ଉଚ୍ଚା ଉଚ୍ଚା ପାହାଡ଼। ଜଳନ୍ଧର ଜାଣିଛନ୍ତି ପାଖାପାଖି ୧୫ କିଲୋମିଟରର ଏ ପାହାଡ଼ କାଟି ତାଙ୍କ ପରିବାର ପାଇଁ ସରକାରୀ ରାସ୍ତାଟିଏ ଲମ୍ବିବା ଅସମ୍ଭବ। ତେଣୁ ନିଜ ଗାଁକୁ ନିଜେ ରାସ୍ତା ତିଆରି କରିବାର ସଂକଳ୍ପ ନେଇ ଦେଢ଼ମାସ ତଳୁ କାମ ଆରମ୍ଭ କରିଦେଇଛନ୍ତି ଜଳନ୍ଧର। ଆଉ ଇଏ ସେହି ସଂକଳ୍ପରୁ ସିଦ୍ଧି ଆଡ଼କୁ ଗୋଟିଏ ଗୋଟିଏ ପାହାଚ। ସାବଳ, ଗଇଁତି ଓ କୋଡ଼ିକୁ ସାଥୀ କରି ଏପର୍ଯ୍ୟନ୍ତ ଦୁଇଟି ପାହାଡ଼ରେ ୫-୬ କିଲୋମିଟର ରାସ୍ତା ତିଆରି ସାରିଲେଣି। ସେ ଲକ୍ଷ୍ୟ ନିଜ ଘରଠାରୁ ସୁଡ୍ରୁବାଲି ପର୍ଯ୍ୟନ୍ତ ୫ଟି ପାହାଡ଼ ଦେଇ ତିଆରି କରିବେ। ୧୫ କିଲୋମିଟରର ରାସ୍ତା ଏଥିପାଇଁ ଯେତେଦିନ ଲାଗୁ ପଛେ।</p><p>&lt;a href=&quot;http://odishareporter.in/wp-content/uploads/2018/01/majhi12.jpg&quot;&gt;(image) &lt;/a&gt;ଗୁମି ଗାଁ ବାସିନ୍ଦା ଜଳନ୍ଧର ନାୟକ କହିଛନ୍ତି-&ldquo;ମୋ ଗାଁକୁ ରାସ୍ତା ନଥିବାରୁ ଯିବାଆସିବାରେ ବହୁ ଅସୁବିଧା ହେଉଥିଲା। ସେଥିପାଇଁ ରାସ୍ତା ନିର୍ମାଣରେ ଲାଗିଛି। ଗୋଟିଏ ଗୋଟିଏ କରି ୪ଟି ପାହାଡ଼ କାଟି ସାରିଲିଣି। ଏବେ ପଞ୍ଚମ ପାହାଡ଼ କାଟୁଛି। ଏହି ରାସ୍ତା ଫିଟିଗଲେ ପିଲାମାନେ ସହଜରେ ମେଡ଼ିକାଲ ଯାଇପାରିବେ।&rdquo;</p><p>https://youtu.be/30DvFQdSzwo</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।