ବଲାଙ୍ଗିରରେ ରାଜସ୍ୱ ଅମଲା ସଂଘର ଆନ୍ଦୋଳନ

ବଲାଙ୍ଗିର(ସସ୍ମିତା ସାହୁ):୮ ଦଫା ଦାବି ନେଇ ରାଜସ୍ୱ ଅମଲା ସଂଘର ଆନ୍ଦୋଳନ ଜାରି ରହିଛି । ଏଥିରେ ସାମିଲ ହୋଇଛି ବଲାଙ୍ଗିର ରାଜସ୍ୱ ଅମଲା ସଂଘ । ଆଗରୁ ଡିସେମ୍ବର ମାସରେ ୨୦ ଦିନ ପାଇଁ ଆନ୍ଦୋଳନ କରାଯାଇଥିବା ବେଳେ, ଏବେ ଗତ ୧ ତାରିଖରୁ ୧୮ ଦିନ ହେଲା ଆନ୍ଦୋଳନ ଜାରି ରହିଛି ।

ଆଜି ସକାଳୁ ସକାଳୁ ବଲାଙ୍ଗିର ରାଜସ୍ୱ ଅମଲ ସଂଘର କର୍ମକର୍ତ୍ତାମାନେ ତହସିଲ କାର୍ଯ୍ୟାଳୟ ନିକଟରେ ଧାରଣାରେ ବସିଥିଲେ । ନାରାବାଜୀ ଓ ଶ୍ଳୋଗାନ ଦେଇ ଆନ୍ଦୋଳନ କରିଥିଲେ। ଆନ୍ଦୋଳନକାରୀ  ଅମଲାଙ୍କ ଯୋଗୁଁ ବଲାଙ୍ଗିରରେ ତହସିଲ ଓ  କଚେରୀ କାମ ଠପ୍‌ ହୋଇଯାଇଛି । ବର୍ତ୍ତମାନ ଛାତ୍ରଛାତ୍ରୀଙ୍କ ନାମଲେଖା ଚାଲିଥିବାରୁ, ଇନକମ ସାର୍ଟିଫିକେଟ, କାଷ୍ଟ ସାର୍ଟିଫିକେଟ ଏବଂ ରେସିଡେଣ୍ଟ ସାର୍ଟିଫିକେଟର ଦରକାର ପଡୁଛି, କିନ୍ତୁ କିରାଣୀଙ୍କ ଆନ୍ଦୋଳନ ଯୋଗୁଁ କୌଣସି କାମ ହୋଇପାରୁନାହିଁ । ବିଭିନ୍ନ କାମ ପାଇଁ ଲୋକେ ତହସିଲକୁ ଆସି ହଇରାଣ ହରକତ ହେଉଛନ୍ତି । ଲୋକେ ହଇରାଣ ହେଉଥିବାରୁ ତୁରନ୍ତ ସମସ୍ୟାର ସମାଧାନ କରିବା ପାଇଁ ଦାବି ହୋଇଛି।