ବର୍ଷା ଅଭାବ: ବାଲେଶ୍ୱରର ଅଧିକାଂଶ ବ୍ଲକରେ ଉଜୁଡିବାକୁ ବସିଛି ଚାଷ

ସୋର (ଓଡିଶା ରିପୋର୍ଟର): ପାଣିପାଗ ବିଭାଗ ପକ୍ଷରୁ କୁହାଯାଉଛି ଚଳିତବର୍ଷ ଆବଶ୍ୟକ ମୁତାବକ ବର୍ଷା ହେବ। ହେଲେ ବାଲେଶ୍ୱର ଜିଲ୍ଲାର ଅଧିକାଂଶ ବ୍ଲକରେ ବର୍ଷାଭାବରୁ ଚାଷ ଉଜୁଡିବାକୁ ବସିଛି। ବିଶେଷ କରି ସୋର, ଖାଇରା, ସିମୁଳିଆ ଓ ବାହନଗା ବ୍ଲକ ଅଞ୍ଚଳରେ କମ ବର୍ଷା ହୋଇଥିବାରୁ ଚାଷ କାର୍ଯ୍ୟ ବାଧା ହୋଇଛି।

ପାଣି ଅଭାବରୁ ବିଲରେ ସାର ପକାଇ ହେଉନାହିଁ। ଫଳରେ ଧାନ ଫସଲ ଉଜୁଡି ଯିବାକୁ ବସିଛି।

ଅଞ୍ଚଳର ଚାଷୀ କହିଛନ୍ତି, ପ୍ରତିଦିନ ଏଠାରେ ବର୍ଷା ହେଉଛି। ହେଲେ ଏହା ନ ହେବା ସହ ସମାନ। ଆବଶ୍ୟକ  ପରିମାଣରେ ବର୍ଷା ହେଉ ନଥିବାରୁ ବିଲରେ ପାଣି ରହୁନାହିଁ। ଫଳରେ ଚାଷକାର୍ଯ୍ୟ ଆଗେଇ ପାରୁନାହିଁ।