ଚାଷୀ ମୃତ୍ୟୁ ଦୁଃଖଦାୟକ: ଦାମ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବରଗଡ଼ ଜିଲ୍ଲା କଳାପାଣି ଗାଁର ଚାଷୀ ଆତ୍ମହତ୍ୟା ଦୁଃଖଦାୟକ ବୋଲି କହିଛନ୍ତି କୃଷିମନ୍ତ୍ରୀ ଦାମୋଦର ରାଉତ। ସେ କହିଛନ୍ତି, &ldquo;ଏହି ଘଟଣାର ତଦନ୍ତ ପାଇଁ ଏକ ତିନିଜଣିଆ ବୈଷୟିକ ଟିମ୍ ବରଗଡ଼ ପଠାଯାଇଛି। ଘଟଣା ନେଇ ବରଗଡ଼ ଜିଲ୍ଲାପାଳଙ୍କ ସହ କଥା ହୋଇଛି। ୪୮ ଘଣ୍ଟା ମଧ୍ୟରେ ରିପୋର୍ଟ ଦେବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛି।</p> <p>କିଛି ଜାଗାରେ ପୋକ ଲାଗିଥିବା ମନ୍ତ୍ରୀ ସ୍ୱୀକାର କରିବା ସହ ଏହାର ଅନୁଧ୍ୟାନ ଚାଲିଛି। କ୍ଷତିଗ୍ରସ୍ତ ଚାଷୀଙ୍କ ପାଇଁ ସହାୟତା ଲାଗି ବ୍ୟବସ୍ଥା କରାଯାଉଛି ବୋଲି ଦାମ କହିଛନ୍ତି।</p> <p>ଅନ୍ୟପକ୍ଷରେ କୀଟନାଶକର ମାନକୁ ନେଇ ସନ୍ଦେହ ପ୍ରକାଶ କରିଛନ୍ତି ଦାମ। ଏହାର ତଦନ୍ତ ହେବ। ଯଦି କୌଣସି ଅଫିସରଙ୍କ ତ୍ରୁଟି ବାହାରେ ତେବେ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।</p>