ଆଜି କେରଳ ଛୁଇଁବ ମୌସୁମୀ!

ଭୁବନେଶ୍ୱର:  ଶନିବାର ଦକ୍ଷିଣ-ପଶ୍ଚିମ ମୌସୁମୀ ବାୟୁ କେରଳ ଛୁଇଁବାର ସମ୍ଭାବନା ରହିଛି । ଏଥିପାଇଁ ଅନୁକୂଳ ପାଗ ରହିଛି । ଭାରତୀୟ ପାଣିପାଗ ବିଭାଗ ପକ୍ଷରୁ ଏ ସମ୍ପର୍କରେ ସୂଚନା ଦିଆଯାଇଛି । କର୍ଣ୍ଣାଟକ, କେରଳ ଏବଂ ତାମିଲନାଡୁରେ ଗତକାଲି ଠାରୁ ପ୍ରାକ୍ ମୌସୁମୀ ବର୍ଷା ଆରମ୍ଭ ହୋଇଯାଇଛି। ପାଣିପାଗ ବିଭାଗ ପକ୍ଷରୁ କୁହାଯାଇଛି ଯେ, ନିର୍ଧାରିତ ସମୟର ଦୁଇ ଦିନ ପୂର୍ବରୁ ଅର୍ଥାତ୍ ମେ’ ୩୦ ତାରିଖରେ ମୌସୁମୀ କେରଳ ଛୁଇଁପାରେ। ତେବେ ଏହି କାରଣରୁ ପ୍ରବଳ ବର୍ଷା ହେବ ନାହିଁ। କିଛି ଦିନ ପାଇଁ ମୌସୁମୀ ଦୁର୍ବଳ ରହିବ। ଯଦି ପରିସ୍ଥିତି ଓ ପାଗ ଅନୁକୂଳ ରହେ ତେବେ ଆସନ୍ତା ୧୦ ତାରିଖ ସୁଦ୍ଧା ମୌସୁମୀ ଓଡିଶାରେ ପହଞ୍ଚିବା ଆଶା କରାଯାଉଛି।