ବଢ଼ିଲା ବସ୍ ଭଡ଼ା

ଭୁବନେଶ୍ୱର: ଆଜିଠାରୁ ରାଜ୍ୟରେ ଯାତ୍ରୀବାହୀ ବସଭଡା ବୃଦ୍ଧି ପାଇଛି । ଏ ନେଇ ପରିବହନ ମନ୍ତ୍ରୀ ରମେଶ ମାଝୀ ସୂଚନା ଦେଇଛନ୍ତି । ଅର୍ଡିନାରୀ ବସ୍ ଭଡ଼ା କିଲୋମିଟର ପିଛା ୪ ପଇସା ବଢିଛି। ପୂର୍ବରୁ ଏହି ଶ୍ରେଣୀରେ ବସ୍ ଭଡ଼ା କିଲୋମିଟର ପିଛା ୫୭ ପଇସା ଥିବାବବେଳେ ଏବେ ଏହା ୬୧ ପଇସାକୁ ବୃଦ୍ଧି ପାଇଛି। ସେହିପରି ଏକ୍ସପ୍ରେସ ୬୦ରୁ ୬୪ ପଇସା, ଡିଲକ୍ସ ବସ ୮୦ରୁ ୮୬ ପଇସା ଓ ଏସି ଡିଲକ୍ସରେ ଭଡ଼ା କିଲୋମିଟର ପିଛା ୯୯ ପଇସାରୁ ୧ ଟଙ୍କ। ୭ ପଇସାକୁ ବଢିଛି। ଆଜିଠାରୁ ଏହି ବର୍ଦ୍ଧିତ୍ ଭଡ଼ା ଲାଗୁ ହେବ। ସେହିପରି ଭଡ଼ା ବୃଦ୍ଧି ନେଇ ବସ୍ ମାଲିକ ସଂଘ ପକ୍ଷରୁ ଦାବି ହୋଇ ଆସୁଥିବା ଅଟୋମ୍ୟାଟିକ୍ ମେକାନିଜିମ୍ ସିଷ୍ଟମ ପାଇଁ ବିଜ୍ଞପ୍ତି ମଧ୍ୟ ପ୍ରକାଶ ପାଇଛି। ଏହି ବ୍ୟବସ୍ଥା ଅନୁସାରେ ଡିଜେଲ୍ ଲିଟର ୨ଟଙ୍କ। ବଢ଼ିଲେ ଅର୍ଡିନାରି ଓ ଏକ୍ସପ୍ରେସ୍ ବସ ଭଡ଼ା ଆପେ କିଲୋମିଟର ପିଛା ୧ ପଇସା ଓ ଏସି ଡିଲକ୍ସରେ ୨ ପଇସା ବଢିଯିବ। ସେହିପରି ଡିଜେଲ ଦର ୨ଟଙ୍କ। ପର୍ଯ୍ୟନ୍ତ ହ୍ରାସ ପାଇବା ମାତ୍ରେ ଏହି ବର୍ଦ୍ଧିତ ଭଡ଼ା ପୁଣି ସେତିକି କମିଯିବ।