ଆଜି ଏନ୍‌ଆଇଏରେ ହାଜର ହେବେ ଅଖତର

ନୂଆଦିଲ୍ଲୀ: ଜାତୀୟ ତତନ୍ତକାରୀ ସଂସ୍ଥା (ଏନଆଇଏ)ରେ ଆଜି ହାଜର ହେବେ କଟକ ସାଲେପୁର ଅଞ୍ଚଳର ଅଖତର ହୁସେନ ଖାନ୍‌। ଏନଆଇଏ ଦିଲ୍ଲୀ ମୁଖ୍ୟାଳୟରେ ହାଜର ହେବା ପାଇଁ ତାଙ୍କୁ ପୂର୍ବରୁ ନୋଟିସ ହୋଇଥିଲା। ଆଜି ଦିନ ୧୧ଟା ମଧ୍ୟରେ ହାଜର ହେବାକୁ ନୋଟିସରେ ଉଲ୍ଲେଖ ରହିଛି। ପୂର୍ବରୁ ସନ୍ଦିଗ୍ଧ କାର୍ଯ୍ୟକଳାପ ପାଇଁ  ଅଖତର ହୁସେନ୍ ଖାନଙ୍କୁ ଏନଆଇଏର ଏକ ୬ ଜଣିଆ ଟିମ୍ ପଚରାଉଚରା ପରେ ଛାଡ଼ିଦେଇଥିଲା।

ଗତ ୨୯ ତାରିଖରେ ସକାଳେ ଏନ୍‌ଆଇଏର ୬ ଜଣିଆ ଟିମ୍‌ ସାଲେପୁର କିଶନନଗର ନିକଟ ସାମନ୍ତରାୟପୁର ଗାଁରେ ଚଢ଼ାଉ କରି ଅଖତାର ହୁସେନଙ୍କୁ ଦୀର୍ଘ ୪ ଘଣ୍ଟା ଧରି ଜେରା କରିଥିଲା ପରେ ତାଙ୍କୁ ଉଠାଇ ନେଇ କଟକରେ ମଧ୍ୟ ପଚରାଉଚରା କରିଥିଲା।

କଟକ ଜିଲ୍ଲା ନେମାଳ ଅଞ୍ଚଳର ଅଖତର ୧୫ ବର୍ଷ ଧରି ଦୁବାଇ ଓ ସାଉଦି ଆରବରେ କାମ କରିବା ପରେ ଓଡ଼ିଶା ଫେରିଥିଲେ। ୪ ବର୍ଷ ହେବ ସାମନ୍ତରାୟପୁରରେ ଭଡା ଘର ନେଇ ରହି ଆସୁଥିଲେ।