ଶନିବାର ଗଞ୍ଜାମ ଜିଲ୍ଲାର ସମସ୍ତ ଔଷଧ ଦୋକାନରେ ଝୁଲିବ ତାଲା

<p>ବ୍ରହ୍ମପୁର(ଓଡ଼ିଶା ରିପୋର୍ଟର): ବ୍ରହ୍ମପୁର ଏମ୍&zwnj;କେସିଜି ମେଡିକାଲ କଲେଜ ପରିସରରେ ୩ଟି ଔଷଧ ଦୋକାନକୁ ପ୍ରଶାସନ ପକ୍ଷରୁ ସିଲ୍&zwnj; କରିବା ଘଟଣାର ପ୍ରତିବାଦ କରାଯାଇଛି। ବିନା କାରଣରେ ପ୍ରଶାସନ ପକ୍ଷରୁ ଔଷଧ ଦୋକାନଗୁଡ଼ିକୁ ବନ୍ଦ କରାଯାଇଥିବା ଉତ୍କଳ କେମିଷ୍ଟ ଆଣ୍ଡ୍ ଡ୍ରଗିଷ୍ଟ ଆସୋସିଏସନ୍ ଅଭିଯୋଗ କରିଛି । ଏହାର ପ୍ରତିବାଦରେ ଆସନ୍ତାକାଲି ଗଞ୍ଜାମ ଜିଲ୍ଲାରେ ସମସ୍ତ ଔଷଧ ଦୋକାନ ବନ୍ଦ ରଖିବାକୁ ସଂଘ ନିଷ୍ପତ୍ତି ନେଇଛି ।</p> <p>ଅନ୍ୟପକ୍ଷରେ ବିବାଦର ସମାଧାନ ନେଇ ଆଜି ସଂଘର କିଛି ପ୍ରତିନିଧି ଜିଲ୍ଲାପାଳଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ପ୍ରଶାସନ ପକ୍ଷରୁ ଏମ୍&zwnj;କେସିଜି ମେଡିକାଲ &nbsp;ପରିସରରେ ଥିବା ଔଷଧ ଦୋକାନ ଗୁଡ଼ିକୁ କାହିଁକି ସିଲ୍ କରାଗଲା ସେ ନେଇ ଆଲୋଚନା କରାଯିବ। ନିରାମୟ ଯୋଜନାରେ ସମସ୍ତ&nbsp; ଔଷଧ ଉପଲବ୍ଧ ହେଉନଥିବାରୁ ହସପିଟାଲ ଆସୁଥିବା ରୋଗୀଙ୍କ ସମ୍ପର୍କୀୟ ଔଷଧ କିଣି ନପାରି ହଇରାଣ ହରକତ ହେଉଥିବା ଅଭିଯୋଗ କରିଛନ୍ତି।</p> <p>ଗତ ବୁଧବାର ରାତିରେ ବ୍ରହ୍ମପୁର ଅତିରିକ୍ତ ତହସିଲଦାର ଓ ଡ୍ରଗ୍ ଇନ୍ସପେକ୍ଟର ଅଚାନକ ଔଷଧ ଦୋକାନଗୁ ଡ଼ିକରେ ଚଢ଼ାଉ କରି ଔଷଧ ଓ ରେକର୍ଡପତ୍ର ଯାଞ୍ଚ କରିଥିଲେ। ଏହାପରେ ଦୋକାନ ଗୁଡ଼ିକୁ ସିଲ୍ କରି ଦେଇଥିଲେ।</p>