ପପୁଙ୍କ ପିଛା ଛାଡୁନି ବିବାଦ: ଅସଦାଚରଣ ଅଭିଯୋଗ ଆଣିଲେ ମହିଳା ଆଇନଜୀବୀ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ବିବାଦରେ ଫସିଛନ୍ତି ଓଲିଉଡ୍&zwnj; ହାସ୍ୟ ଅଭିନେତା ପପୁ ପମ୍&zwnj;ପମ୍&zwnj;। ଜଣେ ମହିଳା ଆଇନଜୀବୀଙ୍କୁ ଧମକ ଦେବା ଅଭିଯୋଗରେ ପପୁଙ୍କ ନାଁରେ ଗତକାଲି କଟକ ସଦର ଥାନରେ ଅଭିଯୋଗ ହୋଇଛି। ସଂପୃକ୍ତ ମହିଳା ଆଇନ୍&zwnj;ଜୀବୀଙ୍କୁ ପପୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ଓ ଆସଦାଚରଣ କରିଥିବା ଏବଂ ହତ୍ୟା ଧମକ ଦେଇଥିବା ଅଭିଯୋଗରେ ଦର୍ଶାଯାଇଛି।</p> <p>ତେବେ ଏପରି ଅଭିଯଗକୁ ପପୁ ଖଣ୍ଡନ କରିଛନ୍ତି। ସେ କହିଛନ୍ତି, ତାଙ୍କ ନାଁରେ ଆସିଥିବା ଏଭଳି ଅଭିଯୋଗ ସମ୍ପୂର୍ଣ୍ଣ ମିଛ। ତାଙ୍କୁ ବଦ୍&zwnj;ନାମ୍&zwnj; କରାଯିବାକୁ ଏପରି ଅଭିଯୋଗ କରାଯାଇଛି। ଆଇନଜୀବୀ ଜଣଙ୍କ ଆଣିଥିବା ଅଭିଯୋଗର ପ୍ରମାଣ ଦିଅନ୍ତୁ।</p> <p>ସେ କହିଛନ୍ତି, &ldquo;ହୋଟେଲରେ ମୁଁ ଅସଦାଚରଣ କରିଥିବା ଅଭିଯୋଗ ମହିଳା ଜଣଙ୍କ ଆଣିଛନ୍ତି। ତା&rsquo;ହେଲେ ସେ (ମହିଳା) ହୋଟେଲରେ ଲାଗିଥିବା ସିସିଟିଭି ଫୁଟେଜ ସହ ଅନ୍ୟ ପ୍ରମାଣ ଦେଖାନ୍ତୁ।&rdquo;</p> <p>ସେ ଆହୁରି କହିଛନ୍ତି, &ldquo;ମୁଁ ସେ ମହିଳାଙ୍କୁ ଦେଖିନାହିଁ। ସେ ସେଠାରେ ଥିଲେ କି ନାହିଁ ତାହା ମଧ୍ୟ ଜାଣିନାହିଁ। ଏମିତି ମିଛ ଅଭିଯୋଗ ଆଣୁଥିବାରୁ ମୁଁ ତାଙ୍କ ବିରୋଧରେ ଆଇନ୍&zwnj;ର ସାହାଯ୍ୟ ନେବେ।&rdquo;</p> <p>ସୂଚନାଯୋଗ୍ୟ, କାଷ୍ଟିଙ୍ଗ କାଉଚ ଅଭିଯୋଗରେ ପୂର୍ବରୁ ପପୁ ଗିରଫ ହୋଇ ଜେଲ୍&zwnj; ଯାଇଥିଲେ।</p>