ଧର୍ମଗଡ଼(ଇଙ୍ଗିତ ପଣ୍ଡା): କଳାହାଣ୍ଡି ଜିଲ୍ଲା କଲମପୁର ମଣ୍ଡିରୁ ଧାନ ଉଠିବାରେ ବିଳମ୍ୱ ଯୋଗୁ ଅତିଷ୍ଠ ହୋଇ ଚାଷୀ ରାସ୍ତାକୁ ଓହ୍ଲାଇଛନ୍ତି। କଲମପୁର ତହସିଲ ଅଫିସ୍ ସମ୍ମୁଖରେ ଧାନ ବୋଝେଇ ଟ୍ରାକ୍ଟର ରଖି ଚାଷୀ ବିକ୍ଷୋଭ ପ୍ରଦର୍ଶନ କରୁଛନ୍ତି। ଫଳରେ ଜୁନାଗଡ଼-କଲମପୁର ମଧ୍ୟରେ ଯାତାୟତ ଠପ୍ ହୋଇଯାଇଛି।
ଚଳିତବର୍ଷ ବିଳମ୍ୱରେ ଧାନମଣ୍ଡି ଖୋଲିଛି। ମଣ୍ଡିରେ ଦିନ ଦିନ ଧରି ବିକ୍ରି ପାଇଁ ଆସିଥିବା ଧାନ ପଡ଼ି ରହୁଥିବା ଚାଷୀ ଅଭିଯୋଗ କରିଛନ୍ତି। ବର୍ଷା ଡର ପୁଣି ଫସଲ ହାନୀ ହେବା ଆଶଙ୍କା ସେମାନଙ୍କୁ ଘାରିଛି।
ଏନେଇ ଜଣେ ଚାଷୀ କହିଛନ୍ତି,“ କଲମପୁର ମଣ୍ଡିରୁ ଧାନ ଉଠୁନାହିଁ। ୧୦ ହଜାର କ୍ୱିଣ୍ଟାଲ ଧାନ ମଣ୍ଡିରେ ପଡି ରହିଛି। ଯଦି ତୁରନ୍ତ ଆମ ଧାନ ଉଠା ନଯାଏ, ତାହେଲେ ଆମେ ଏହି ବିକ୍ଷୋଭ ଜାରି ରଖିବୁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
