ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମାଲକାନଗିରି (ଜିତେନ୍ଦ୍ର ବେଉରା): ରାଜ୍ୟରେ ଅବହେଳିତ ଆମ୍ବୁଲାନ୍ସ ସେବାକୁ ନେଇ ପ୍ରତିଦିନ କିଛି ନା କିଛି ଅଭିଯୋଗ ଆସୁଛି। କେଉଁଠି ରାସ୍ତା ଖରାପ ପାଇଁ ଆମ୍ବୁଲାନ୍ସ ଗାଁକୁ ଆସି ପାରୁନାହିଁ ତ ଆଉ କେଉଁଠି ବିଳମ୍ବରେ ପହଞ୍ଚୁଛି। ଆମ୍ବୁଲାନ୍ସ ନ ଆସିବାରୁ ପ୍ରସୂତୀଙ୍କୁ ଖଟିଆରେ ନେବା କିଛି ନୂଆ କଥା ହୋଇ ରହିନାହିଁ। କିନ୍ତୁ ରୋଗୀ ସେବାରେ ନ ଲାଗି, ଆମ୍ବୁଲାନ୍ସରେ ଫର୍ଣ୍ଣିଚର୍‌ ବୁହାହେବା କଥା ଶୁଣିଲେ ଅଡ଼ୁଆ ଲାଗୁଥିବ ନିଶ୍ଚିତ। ହେଲେ ମାଲକାନଗିରି ଜିଲ୍ଲାରେ ଏବେ ଏମିତି ସେବାରେ ଲାଗୁଛି ଆମ୍ବୁଲାନ୍ସ।</p> <p>କାଲିମେଳା ଡାକ୍ତରଖାନାର ଏକ ଆମ୍ବୁଲାନ୍ସରେ ରୋଗୀଙ୍କୁ ନେବା ବଦଳରେ ଫର୍ଣ୍ଣିଚର୍‌ ଲୋଡ୍ କରାଯାଉଥିବା ଦେଖିବାକୁ ମିଳିଛି। ତାହା ପୁଣି ସଦର ମହକୁମାର ଜନଗହଳିପୂର୍ଣ୍ଣ ଡିଏନ୍‌କେ ଛକରେ। ଖୋଦ୍ ଆମ୍ବୁଲାନ୍ସର ଫାର୍ମାସିଷ୍ଟ ଏବଂ ଡ୍ରାଇଭର ଏହି ଫର୍ଣ୍ଣିଚର୍‌ ଲୋଡ୍ କରୁଥିବା କ୍ୟାମେରାରେ ଧରାପଡ଼ିଛି। କେଉଁ ପରିସ୍ଥିତିରେ ଆମ୍ବୁଲାନ୍ସରେ ଫର୍ଣ୍ଣିଚର୍‌ ଲଦା ହେଉଥିଲା ଓ ତାହା କୁଆଡ଼େ ଯାଉଥିଲା ସେ ସଂପର୍କରେ ସବିଶେଷ ତଥ୍ୟ ମିଳିନି। ସେହିପରି ଏଥିପାଇଁ କିଏ ନିର୍ଦ୍ଦେଶ ଦେଇଥିଲେ, କାହା ଅନୁମତିରେ ଆମ୍ବୁଲାନ୍ସଟିକୁ ଫର୍ଣ୍ଣିଚର୍‌ ବୋହିବା କାମରେ ଲଗାଯାଇଥିଲା ତାହା ମଧ୍ୟ ସ୍ପଷ୍ଟ ହୋଇନି। ତେବେ ରୋଗୀଙ୍କ ପାଇଁ ଉଦ୍ଦିଷ୍ଟ ଆମ୍ବୁଲାନ୍ସର ଏଭଳି ଅପବ୍ୟବହାରକୁ ନେଇ ଏବେ ଅନେକ ପ୍ରଶ୍ନ ଉଠିବାରେ ଲାଗିଛି।</p> <p>ତେବେ ଏ ସଂପର୍କରେ ସଂପୃକ୍ତ ୧୦୮ ଆମ୍ବୁଲାନ୍ସ କର୍ମଚାରୀଙ୍କ ପ୍ରତିକ୍ରିୟା ହେଲା, କାଲିମେଳାରୁ ସେ ମାଲକାନଗିରିକୁ ସେ ଜଣେ ରୋଗୀଙ୍କୁ ସ୍ଥାନାନ୍ତର କରିଥିଲେ। ଦିନ ୧ଟା ୨୩ରେ ସେ ରୋଗୀଙ୍କୁ ଡାକ୍ତରଖାନାରେ ଛାଡ଼ିବା ପରେ ସେଠାକାର କିଛି ମେଡିକାଲ ଷ୍ଟାଫ୍ ଡିଏମ୍‌କେ ରୋଡରେ ଥିବା ଏକ କମ୍ପ୍ୟୁଟର ଟେବୁଲ୍ କାଲିମେଳା ସିଏଚ୍‌ସିକୁ ନେଇଯିବାକୁ ଅନୁରୋଧ କରିଥିଲେ। କିନ୍ତୁ ଆମ୍ବୁଲାନ୍ସ କର୍ମଚାରୀ ଏହା କରିବାକୁ ମନାକରିଥିଲେ। କିନ୍ତୁ ମେଡିକାଲ କର୍ମଚାରୀଙ୍କ ବାରମ୍ବାର ଅନୁରୋଧ ପରେ ସେମାନେ ଟେବୁଲ୍‌ଟି ନେଇଥିଲେ। କିନ୍ତୁ ତାଙ୍କ ଉପର ଅଧିକାରୀଙ୍କୁ ଏ ସଂପର୍କରେ କୌଣସି ସୂଚନା ଦେଇନଥିଲେ। ପୂରା ଘଟଣା ସଂପର୍କରେ ୧୦୮ ଆମ୍ବୁଲାନ୍ସ କର୍ତୃପକ୍ଷ ଛାନ୍‌ଭିନ୍ ଆରମ୍ଭ କରିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
