ମାଲକାନଗିରି(ଜିତେନ୍ଦ୍ର ବେଉରା): ବିଷାକ୍ତ ଖାଦ୍ୟ ଖାଇ ୮ ଅଙ୍ଗନବାଡ଼ି ପିଲା ଅସୁସ୍ଥ ହୋଇଛନ୍ତି। ଏପରି ଘଟଣା ମାଲକାନଗିରି ଜିଲ୍ଲା ସିନ୍ଧ୍ରିମାଳ ପଞ୍ଚାୟତର ମୁନୁସକୁଣ୍ଡା ଗାଁରୁ ଆସିଛି। ସମସ୍ତଙ୍କୁ ଉଦ୍ଧାର କରାଯାଇ ମେଡିକାଲ୍ରେ ଭର୍ତ୍ତି କରାଯାଇଛି।
ମହାମାରୀ କରୋନାର କୋପ କମିବା ପରେ ରାଜ୍ୟରେ ଅଙ୍ଗନବାଡି କେନ୍ଦ୍ର ଗୁଡ଼ିକୁ ଖୋଲିଛନ୍ତି ରାଜ୍ୟ ସରକାର। ସବୁଦିନ ପରି ବୁଧବାର ପିଲାମାନେ ଅଙ୍ଗନବାଡ଼ି ଯାଇଥିଲେ। ୮ ଜଣ ପିଲା ଖେଳୁଥିବା ବେଳେ ଅଙ୍ଗନବାଡ଼ି କେନ୍ଦ୍ରରେ ଥିବା ବିଷାକ୍ତ ଗଛର ଫଳ ଖାଇ ଦେଇଥିଲେ। ବିଷାକ୍ତ ଫଳ ଖାଇବା ପରେ ପିଲାମାନେ ବାନ୍ତି କରିବା ସହିତ ଚେତା ହରାଇ ପଡ଼ି ଯାଇଥିଲେ। ସମସ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଅସୁସ୍ଥ ୮ ଜଣ ଶିଶୁଙ୍କ ମଧ୍ୟରେ ୨ ଜଣ ପୁଅ ଓ ୬ ଜଣ ଝିଅ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।