ଜଙ୍ଗଲରୁ ମିଳିଲା ଗାଈର ମୃତଦେହ: କ’ଣ ସୁନ୍ଦରୀ କରିଛି ଶିକାର ?

ଅନୁଗୋଳ(ବିରଜା ଦାସ): ଅନୁଗୋଳ ଜିଲ୍ଲା ଆଠମଲ୍ଲିକ ବନଖଣ୍ଡ ଲେହେଡି ଗାଁର ଏକ ଗାଈକୁ ମହାବଳ ମାରିଥିବା ନେଇ ଅଭିଯୋଗ ହୋଇଛି। ଗତକାଲି ରାତିରେ ଜଙ୍ଗଲରେ ଏକ ଗାଈ ବୁଲୁଥିବା ସମୟରେ  ବାଘ ଆକ୍ରମଣ କରିଥିଲା। ଏହି ଘଟଣା ପରେ ବନ ବିଭାଗ ଅଧିକାରୀ ଓ କର୍ମଚାରୀ ମୃତ ଗାଈର ମାଲିକଙ୍କୁ କ୍ଷତିପୂରଣ ରାଶି ପ୍ରଦାନ କରିଛନ୍ତି।

ଗାଈର ମୃତଦେହ ମିଳିବା ପରେ ପୁଣି ଥରେ ବାଘୁଣୀ ‘ସୁନ୍ଦରୀ’ ଆତଙ୍କ ନେଇ ଚର୍ଚ୍ଚା ଜୋର ଧରିଛି। ‘ସୁନ୍ଦରୀ’ ଗାଈକୁ ମାରିଥିବା ସନ୍ଦେହ କରାଯାଉଛି।

‘ସୁନ୍ଦରୀ’ ବର୍ତ୍ତମାନ ହାତଧରା ଜଙ୍ଗଲରେ ବୁଲୁଛି। ସେ ଯେଭଳି ଜନବସତିକୁ ନ ଆସିବ ସେନେଇ  ବନବିଭାଗର କର୍ମଚାରୀ ତୀକ୍ଷଣ ନଜର ରଖିଥିବା ଆଠମଲ୍ଲିକ ବନଖଣ୍ଡ ଡିଏଏଫ୍‌ଓ ସୂଚନା ଦେଇଛନ୍ତି। ଏହାସହ ଲୋକେ ଭୟଭୀତ ନହେବାକୁ ପରାମର୍ଶ ଦେଇଛନ୍ତି।