ଭୁବନେଶ୍ୱର(ଓଡ଼ିଶା ରିପୋର୍ଟର): ନନ୍ଦନକାନନରେ ଗୁରୁବାର ଆଉ ଏକ ବାଘ ଛୁଆର ମୃତ୍ୟୁ ହୋଇଛି। ଏହି ବାଘ ଛୁଆ ଧଳା ବାଘୁଣି ରୁପା ଠାରୁ ଜନ୍ମ ନେଇଥିଲା। ରୁପା ଜନ୍ମ ଦେଇଥିବା ୩ ଛୁଆ ଭିତରୁ ଏହା ଗୋଟିଏ ଥିଲା। ଗତ ୩ ଦିନ ହେବ ସେ ସାଙ୍ଘାତିକ ଜ୍ୱରରେ ଆକ୍ରାନ୍ତ ଥିଲା।
ଗତ ମଙ୍ଗଳବାର ରୁପାର ଆଉ ଗୋଟିଏ ଛୁଆ ବିବେକର ମୃତ୍ୟୁ ହୋଇଥିଲା। ଗୋଡ ହାଡରେ ସମସ୍ୟା ଥିବାରୁ ସେ ଛୋଟାଉଥିଲା। ତାକୁ ନିଶ୍ଚେତକ ଦିଆଯାଇ ନନ୍ଦନକାନନ ପ୍ରାଣୀ ଉଦ୍ୟାନ ଭେଟନାରୀରେ ଚିକିତ୍ସା କରାଯାଉଥିଲା। ତେବେ ଚିକିତ୍ସାଧୀନ ଅବସ୍ଥାରେ ତାର ମୃତ୍ୟୁ ହୋଇଥିଲା।
ମାର୍ଚ୍ଚ ୧୧ ତାରିଖରେ ରୁପା ଛୁଆଗୁଡ଼ିକୁ ଜନ୍ମ ଦେବା ପରେ ସେମାନଙ୍କୁ ପାଖ ପୂରାଇ ଦେଉ ନ ଥିଲା। ଯାହା ସେମାନଙ୍କ ଜୀବନ ପ୍ରତି ବିପଦ ସୃଷ୍ଟି କରିଥିଲା। ସୂଚନାଯୋଗ୍ୟ, ଏବେ ନନ୍ଦନକାନନରେ ୨୬ଟି ବାଘ ରହିଛନ୍ତି।