ବିଜେଡିରେ ଅନୁଭବ ଝଡ଼ : ବିଜେଡି ୟୁଥ୍ ପ୍ଲାନ୍‌ରେ ଲାଗିଲା ବ୍ରେକ୍  

<p>ଭୁବନେଶ୍ୱର: ବିଜେଡି ୟୁଥ୍ ପ୍ଲାନ୍&zwnj;ରେ ବ୍ରେକ୍ । ବନ୍ଦ ରହିଛି ଦଳର ଯୁବ-ଛାତ୍ର ଜନ ସଂପର୍କ ଅଭିଯାନ। &nbsp;ଜିଲ୍ଲାର ଯୁବ ଛାତ୍ର ସଙ୍ଗଠନକୁ ଅବହେଳା କରିବା, ଅଭିନେତା ତଥା ସାଂସଦ ଅନୁଭବ ମହାନ୍ତିଙ୍କୁ ଅଧିକ ପ୍ରାଧାନ୍ୟ ଦିଆଯାଉଥିବା ନେଇ ଦଳରେ ଅସନ୍ତୋଷ କାରଣରୁ ଏହି ଅଭିଯାନକୁ ସ୍ଥଗିତ ରଖା ଯାଇଥିବା ଚର୍ଚ୍ଚା ହେଉଛି। &nbsp;ଦଳ କିନ୍ତୁ ସ୍ପଷ୍ଟ କରିଛି, ବିଜେଡି ଅନେକ କାର୍ଯ୍ୟକ୍ରମ ହାତକୁ ନେଇଛି । ପର୍ଯ୍ୟାୟକ୍ରମେ ଏହି କାର୍ଯ୍ୟକ୍ରମ ବି ଚାଲିବ।</p> <p>ସୂଚନା ଅନୁଯାୟୀ, ନଭେମ୍ବର ୧୮ରେ ନବରଙ୍ଗରପୁର ଜିଲ୍ଲାର ଝରିଗାଁରେ ଆରମ୍ଭ ହେଲା ବିଜେଡିର ୟୁଥ୍ ଆଟ୍ରାକ୍ସନ କାର୍ଯ୍ୟକ୍ରମ ଯୁବ-ଛାତ୍ର ଜନସଂପର୍କ ଅଭିଯାନ।&nbsp; ସାଂସଦ ଅନୁଭବ ମହାନ୍ତି ଓ ତାଙ୍କ ଟିମ୍&zwnj; ନେଇ ଚାଲିଲା କାର୍ଯ୍ୟକ୍ରମ। ନବରଙ୍ଗପୁର, କୋରାପୁଟ ଜିଲ୍ଲାରେ କର୍ଯ୍ୟକ୍ରମ ପରେ ହଠାତ୍ ଏହା ବନ୍ଦ ହୋଇଗଲା। କାର୍ଯ୍ୟକ୍ରମ ଯେଉଁ ଢଙ୍ଗରେ ଚାଲିଲା ତା ବିରୋଧରେ ସୁପ୍ରିମୋ ନବୀନ ପଟ୍ଟନାୟକଙ୍କ ପାଖରେ ପହଞ୍ଚିଲା ଅଭିଯୋଗ। ଯୁବ ଓ ଛାତ୍ର ସଙ୍ଗଠନର ଅନେକ କର୍ମକର୍ତ୍ତା ଅସନ୍ତୋଷ ପ୍ରକାଶ କଲେ। &nbsp;ଛାତ୍ର ଓ ଯୁବକଙ୍କ ନାଁରେ କାର୍ଯ୍ୟକ୍ରମ ହୋଇଥିଲେ ବି ଜିଲ୍ଲା ଓ ରାଜ୍ୟ ସ୍ତରୀୟ ଯୁବନେତାଙ୍କୁ ଡକାଗଲା ନାହିଁ । ଏହାବାଦ୍ ସାଂସଦ ଅନୁଭ ମହାନ୍ତି କାର୍ଯ୍ୟକ୍ରମର ନେତୃତ୍ୱ ନେବାକୁ ବି ଖୋଲାଖୋଲି ବିରୋଧ ହେଲା। ଦଳରେ ସିଦ୍ଧାନ୍ତ ମହାପାତ୍ର, ଅରିନ୍ଦମ ରାୟ ଭଳି ଜଣାଶୁଣା ଅଭିନେତା ଥିଲେ ବି ସେମାନଙ୍କୁ କାହିଁକି ସାମିଲ କରାଯାଉ ନାହିଁ ପ୍ରଶ୍ନ ଉଠିଲା । ତାହା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବଦଳରେ ଅନୁଭବ ନିଜ ପ୍ରଚାର ଅଧିକ କଲେ ବୋଲି ଅଭିଯୋଗ ଉଠିଲା ଏହାପରେ ଦଳରେ ତାଳି ପକା ଉଦ୍ୟମ ବି ହେଲା । ଏବେ କାର୍ଯ୍ୟକ୍ରମ ସାମୟିକ ଭାବେ ବନ୍ଦ ରଖାଯାଇଛି । ଯୁବ ବିଜେଡି ସଭାପତି କହିଛନ୍ତି ପର୍ଯ୍ୟାୟ କ୍ରମେ ଏହି ଅଭିଯାନ ଚାଲିବ।</p> <p>ବିଜେଡିର ଯୁବ-ଛାତ୍ର ଜନସଂପର୍କ ଅଭିଯାନ ଆଗକୁ କେମିତି ଚାଲିବ? କେବେଠାରୁ ପୁଣି ଆରମ୍ଭ ହେବ କାଅର୍ଯ୍ୟକ୍ରମ? ଆଗକୁ ଏହି କାର୍ଯ୍ୟକ୍ରମରେ କ&rsquo;ଣ ରହିବ ଅନୁଭବଙ୍କ ଭୂମିକା? ଅନୁଭବଙ୍କ ବ୍ୟତୀତ ଅନ୍ୟ ଅଭିନେତାଙ୍କୁ ବି ସାମିଲ କରାଯିବ କି ତାକୁ ନେଇ ଚର୍ଚ୍ଚା ଲାଗି ରହିଛି।&nbsp; ଏନେଇ ଅନୁଭବଙ୍କ ପ୍ରତିକ୍ରିୟା ମିଳି ନ ଥିବାବେଳେ ବିଜେଡି ମୁଖପାତ୍ର ଅରୁଣ ସାହୁ କହିଛନ୍ତି ଦଳରେ କୌଣସି ବିରୋଧାଭାଷ ନାହିଁ। ଯୁବ ଭୋଟରଙ୍କୁ ଆକୃଷ୍ଟ କରିବା ପାଇଁ ଦଳ, ମେଗା କାର୍ଯ୍ୟକ୍ରମ ହାତକୁ ନେଇଛି ସତ&nbsp; ହେଲେ ଦଳରେ ଥିବା ଅନ୍ତର୍ଦ୍ୱନ୍ଦ୍ୱ ୟୁଥ୍ ପ୍ଲାନ୍&zwnj;ଙ୍କୁ ଏକ ପ୍ରକାର ବିଗାଡି ଦେଇଛି ।</p>