ଭୁବନେଶ୍ୱର:(ଓଡ଼ିଶା ରିପୋର୍ଟର): ଉପ ନିର୍ବାଚନ ପାଇଁ ଆରମ୍ଭ ହୋଇଛି ଅଙ୍କକଷା। ତିର୍ତ୍ତୋଲ ଓ ବାଲେଶ୍ୱର ସଦର ଆସନରେ ଉପ ନିର୍ବାଚନ ହେବାକୁ ଥିବା ବେଳେ ଏବେ ଏହାକୁ ନେଇ ଆରମ୍ଭ ହୋଇଛି ରଣନୀତି ।
ତିର୍ତ୍ତୋଲ ସିଟ୍ ପାଇଁ ବିଜେପି ପକ୍ଷରୁ ନିର୍ବାଚନ ଦାୟିତ୍ୱରେ ଥିବା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଦଳର ବିଜୟ ନେଇ ଦୃଢୋକ୍ତି ବାଢ଼ିଛନ୍ତି। ଦିଲ୍ଲୀରେ ରହି ସେ ତିର୍ତ୍ତୋଲ ନିର୍ବାଚନ ନେଇ ନେତା ଓ କର୍ମୀଙ୍କ ସହ ଆଲୋଚନା କରିଛନ୍ତି। ନିର୍ବାଚନ ନେଇ ଯେଉଁ ରଣନୀତି ପ୍ରସ୍ତୁତ ହେଉଛି । ଦଳର ବିଜୟ ସୁନିଶ୍ଚିତ ବୋଲି ଅପରାଜିତା କହିଛନ୍ତି। ସେହିପରି ବିରୋଧୀ କଂଗ୍ରେସରେ ନୂତନ ପ୍ରଭାରୀ ଦାୟିତ୍ୱ ନେବା ପରେ ଆକ୍ଟିଭ୍ ମୁଡକୁ ଆସିଛି ଦଳ।
ଆଜି କଂଗ୍ରେସ ଭବନରେ ଦଳୀୟ ନେତାଙ୍କ ସହ ଆଲୋଚନା କରିବା ପରେ ପ୍ରତିକ୍ରିୟା ରଖିଛନ୍ତି ଏ.ଚେଲ୍ଲା କୁମାର। ଉପନିର୍ବାଚନ ପାଇଁ ଖୁବ୍ ଶୀଘ୍ର ପ୍ରାର୍ଥୀ ନାଁ ଘୋଷଣା କରାଯିବ ବୋଲି ସେ କହିଛନ୍ତି। ଦକ୍ଷ ଓ ଉତ୍ସର୍ଗୀକୃତ ନେତାଙ୍କୁ ପ୍ରାର୍ଥୀ କରାଯିବ ବୋଲି ସେ କହିଛନ୍ତି। ସୂଚନାଥାଉ କି, ନଭେମ୍ବର ୩ ତାରିଖରେ ଏହି ଦୁଇ ସିଟ୍ରେ ଭୋଟ୍ ଗ୍ରହଣ ହେବ।