ଭୁବନେଶ୍ୱର: ଆସନ୍ତାକାଲିଠୁ ଆରମ୍ଭ ହେଉଛି ବିଧାନସଭା ବଜେଟ୍ ଅଧିବେଶନର ପ୍ରଥମ ପର୍ଯ୍ୟାୟ । ଗୃହରେ ସରକାରଙ୍କ ଘେରିବା ପାଇଁ ବିରୋଧୀ ବ୍ଲୁ- ପ୍ରିଣ୍ଟ ପ୍ରସ୍ତୁତ କରୁଛି । ବିଜେପିର ରଣନୀତି ପ୍ରସ୍ତୁତି ପରେ ଆଜି କଂଗ୍ରେସର ବିଧାୟକ ଦଳ ବୈଠକ ବସୁଛି । ଏଥର ଡି’ ବ୍ରଦର୍ସଙ୍କ ସହ ବିଜେଡି ନେତାଙ୍କ ଲିଙ୍କ୍ ଅଭିଯୋଗକୁ ଦଳ ମୁଦ୍ଦା କରିବ ବୋଲି ଜଣାପଡିଛି।
ତା’ ସହିତ ଚାଷୀଙ୍କ ସମସ୍ୟା, ପାନୀୟ ଜଳ ସମସ୍ୟା, ନାରୀ ସୁରକ୍ଷା ଓ ରମେଶ ଜେନାଙ୍କ ଗିରଫଦାରୀ ପ୍ରସଙ୍ଗ ବି କଂଗ୍ରେସ ଉଠାଇବ। ଆଜି ବସିବାକୁ ଥିବା କଂଗ୍ରେସ ବିଧାୟକ ଦଳ ବୈଠକରେ ଏ ନେଇ ଚୂଡାନ୍ତ ନିଷ୍ପତ୍ତି ନିଆଯିବ ବୋଲି ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି।