ରଖେ ହରି ମାରେ କିଏ: ଡାକ୍ତର ମୃତ କହିଲେ, ଆଶା ଦିଦି ଜୀବନ ଦେଲେ

<p>କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): ଯାହାକୁ ଡାକ୍ତର ମୃତ ଘୋଷଣା କରିଥିଲେ ତା ଜୀବନ ବଞ୍ଚାଇଛନ୍ତି ଆଶା କର୍ମୀ। ମୃତ ଘୋଷିତ ନବଜାତକୁ ନୂତନ ଜୀବନ ଦେଇଛନ୍ତି ଜଣେ ଆଶା କର୍ମୀ। ଆଶ୍ଚର୍ଯ୍ୟ ଲାଗୁଥିଲେ ବି ଏହା ସମ୍ପୂର୍ଣ୍ଣ ସତ ଘଟଣା। କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରୁ ଆସିଛି ଏହି ଅଭିଯୋଗ। ଏବେ ସାରା ଅଞ୍ଚଳରେ ଏହି ଘଟଣା ଚାଞ୍ଚଲ୍ୟ ଖେଳାଇ ଦେଇଛି।</p> <p>ରାଜକନିକା ତଳଚୁଆ ପଞ୍ଚାୟତର ଜଣେ ମହିଳା ଶିଶୁ କନ୍ୟାକୁ ଜନ୍ମ ଦେଇଥିଲେ। ତେବେ ନବଜାତ ଜନ୍ମ ହେବା କ୍ଷଣି ତାକୁ ମୃତ ଘୋଷଣା କରିଥିଲେ ଉପସ୍ଥିତ ଡାକ୍ତର। ହେଲେ ଏ ଘଟଣାକୁ ସହଜରେ ଗ୍ରହଣ କରିପାରିନଥିଲେ ଗର୍ଭବତୀଙ୍କ ସହ ଆସିଥିବା ଆଶାକର୍ମୀ। ବୁଦ୍ଧି ଖଟାଇ ଶିଶୁଟିକୁ ପମ୍ବିଂ କରିଥିଲେ। ଆଉ ଚାହୁଁ ଚାହୁଁ ନିଶ୍ୱାସ ନେବାକୁ ଲାଗିଥିଲା ଶିଶୁ କନ୍ୟାଟି।</p> <p>ଏନେଇ ଡାକ୍ତରଙ୍କ ନାଁରେ ଅଭିଯୋଗ ଆଣିଛନ୍ତି ପରିବାର ଲୋକେ। ସମସ୍ତ ଅଭିଯୋଗକୁ ଖାରଜ କରିଛନ୍ତି କେନ୍ଦ୍ରାପଡ଼ା ମୁଖ୍ୟ ଚିକିତ୍ସାଳୟ କର୍ତ୍ତୃପକ୍ଷ। ଶିଶୁଟିର ମୃତ୍ୟୁ ଖବର ଡାକ୍ତର ଦେଇନଥିବା କହିଛନ୍ତି ଶିଶୁ ରୋଗ ବିଭାଗ ଡାକ୍ତର ଆନନ୍ଦ ଗୋପାଳ ମହାନ୍ତି। ଶିଶୁକନ୍ୟାର ପ୍ରାଥମିକ ଚିକିତ୍ସା ପରେ କଟକ ଏସ୍&zwnj;ସିବି ମେଡିକାଲକୁ ସ୍ଥାନାନ୍ତର କରାଯାଇଥିବା ସେ କହିଛନ୍ତି।</p>