ମାତିଲେ ଏଟିଏମ୍‌ ଲୁଟେରା: ଗୋଟିଏ ରାତିରେ ୬ଟିକୁ ଟାର୍ଗେଟ୍‌

ବ୍ରହ୍ମପୁର (ଜଗନ୍ନାଥ ସାହୁ): ବ୍ରହ୍ମପୁର ସହରରେ ମାତିଛନ୍ତି ଏଟିଏମ୍‌ ଲୁଟେଲା। ଗୋଟେ ନୁହେଁ କି ଦୁଇଟି ନୁହେଁ ୬ଟି ଏଟିଏମ୍‌ରେ କଳାକନା ବୁଲାଇବାକୁ ଉଦ୍ୟମ କରିଛନ୍ତି। ଗୋଟିଏ ଲୁଟ କରିବାକୁ ସକ୍ଷମ ହୋଇଥିବା ବେଳେ ଅନ୍ୟଗୁଡିକ ଲୁଟି ପାରିନାହାଁନ୍ତି।

ହଳଦିଆପଦର ଏସ୍‌ବିଆଇ ଏଟିଏମ୍‌ରୁ ୫ ଲକ୍ଷରୁ ଅଧିକ ଟଙ୍କା ଲୁଟିବାରେ ସକ୍ଷମ ହୋଇଛନ୍ତି ଏହି ଦୁର୍ବୃତ୍ତମାନେ। ଏଟିଏମ୍‌କୁ ଗ୍ୟାସ କଟରରେ କାଟି ଲୁଟିଛନ୍ତି। ତେବେ ଆଙ୍କୁଲି, ଗୋଇଲୁଣ୍ଡି, ଖୋଡ଼ାସିଙ୍ଗି, ଗୋଷେଇଁ ନୂଆଗାଁ ମୁଖ୍ୟରାସ୍ତା ନିକଟ ଏଟିଏମ୍  ଓ ଗୋପାଳପୁର ଜଙ୍କସନ୍ ନିକଟ ଏଟିଏମ୍‌ରୁ ଲୁଟ୍ ଉଦ୍ୟମ କରି ବିଫଳ ହୋଇଛନ୍ତି।  ଗୋପାଳପୁର ଜଙ୍କସନ ନିକଟ ଷ୍ଟେଟ ବ୍ୟାଙ୍କ ଏଟିଏମ୍‌ ସିସିଟିଭି ଭାଙ୍ଗି ଦେଇଥିଲେ, ଏହି ସମୟରେ ପୋଲିସ ପାଟ୍ରୋଲିଂ ଗାଡ଼ି ଆସି ଯିବାରୁ ଲୁଟେରାମାନେ ଚମ୍ପଟ ମାରିଥିଲେ। ସେହିପରି ଗୋଷାଣି ନୂଆଗାଁ ମୁଖ୍ୟରାସ୍ତା ନିକଟ ଏଟିଏମ୍‌କୁ ଗ୍ୟାସ କଟର୍‌ରେ କାଟିଲା ବେଳେ ଟଙ୍କା ପୋଡିଯାଇଥିଲା। ସହରର ଇଞ୍ଜିନିୟରିଂ ସ୍କୁଲ ଛକ ନିକଟରୁ ଏଟିଏମ୍‌ର ୩ଟି ଟ୍ରେ ଉଦ୍ଧାର ହୋଇଛି। ଲୁଟେରାଙ୍କୁ ଧରିବାକୁ ପୋଲିସ୍‌ ବିଭିନ୍ନ ସ୍ଥାନରେ ଚଢାଉ ଚଲାଇଛି।