ଖୋର୍ଦ୍ଧା: ପୁଣି ଥରେ ଅଶାନ୍ତ ହୋଇ ଉଠିଛି ତରଙ୍ଗର ସାରୁଅ ଷ୍ଟୁଡିଓ। ସାରୁଅ ଷ୍ଟୁଡିଓର ସିକ୍ୟୁରିଟି ଅଫିସରଙ୍କୁ ସଂଘବଦ୍ଧ ଭାବେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ସଂଘବଦ୍ଧ ମରଣାନ୍ତକ ଆକ୍ରମଣରେ ସିକ୍ୟୁରିଟି ଅଫିସର ହଲିମ୍ ଖାନ୍ ଗୁରୁତର ହୋଇ ପଡ଼ିଛନ୍ତି। ୮ରୁ୧୦ ଜଣ ଲୋକ ଠେଙ୍ଗାବାଡ଼ିରେ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି।
ଘଟଣା ସଂପର୍କରେ ବାଘମାରି ଥାନାରେ ଏତଲା ଦାଏର କରିଛନ୍ତି ହଲିମ୍ ଖାନ୍। ଗୁରୁତର ହଲିମଙ୍କୁ ହସ୍ପିଟାଲ ପଠାଇ ଘଟଣା ସ୍ଥଳ ଅନୁଧ୍ୟାନ କରିଛି ପୁଲିସ୍।
ସୂଚନା ଅନୁଯାୟୀ, ସ୍ଥାନୀୟ ଅଞ୍ଚଳର ଜଣେ ଲୋକ ସକାଳେ ଲ୍ୟାଣ୍ଡ ଅଫିସରଙ୍କୁ ଖୋଜିଥିଲେ। ଲ୍ୟାଣ୍ଡ ଅଫିସରଙ୍କୁ ଖୋଜି ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ। ସିକ୍ୟୁରିଟି ଅଫିସର ହଲିମ୍ ବିରୋଧ କରିବାରୁ ତାଙ୍କୁ ଧମକ ଦେଇ ଫେରିଯାଇଥିଲେ ସଂପୃକ୍ତ ବ୍ୟକ୍ତି। କିଛି ସମୟ ପରେ ୮/୧୦ ଜଣଙ୍କୁ ଧରି ପୁଣି ପହଞ୍ଚିଥିଲେ ସଂପୃକ୍ତ ବ୍ୟକ୍ତି। ଏହାପରେ ସେମାନେ ମିଳିତ ଭାବେ ସିକ୍ୟୁରିଟି ଅଫିସର ହଲିମ୍ଙ୍କୁ ଆକ୍ରମଣ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
