ଟ୍ୟୁସନ୍ ଯାଉଥିବା ବେଳେ ଟେକିନେଲେ, ଆଉ ତା ପରେ…

ସୋର(ଓଡ଼ିଶା ରିପୋର୍ଟର): “ମୁଁ ଟିଉସନ୍‌ ଯାଉଥିଲି। ସେତେବେଳକୁ ଏମାନେ ସବୁ ମନ୍ଦିର ପାଖରେ ବସି ଖଟି କରୁଥିଲେ। ମତେ ଏକୁଟିଆ ଦେଖି ସେମାନଙ୍କ ଭିତରୁ ଜଣେ ଆସି ମତେ ଉଠାଇ ନେଲା। ମୁଁ ପାଟି କଲି….।”

ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା କସବାଜୟପୁର ଗାଁର ଜଣେ ନବମ ଶ୍ରେଣୀ ଛାତ୍ରୀ ଏମିତି ଅଭିଯୋଗ କରିଛନ୍ତି ଥାନାରେ। ତାଙ୍କୁ  ଦୁଷ୍କର୍ମ ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ପୋଲିସ ଉମାଶଙ୍କର ନାମକ ଯୁବକଙ୍କୁ ଗିରଫ କରିଛି।

ସୂଚନା ଅନୁସାରେ, ଛାତ୍ରୀ ଜଣକ ତାଙ୍କ ଗାଁ ନିକଟସ୍ଥ  ଗ୍ରାମକୁ ଟ୍ୟୁସନ୍‌ ଯାଉଥିବା ବେଳେ  ଗଁ ମନ୍ଦିର ନିକଟରେ ମଦ ପିଉଥିବା ୩ ଜଣ  ଯୁବକଙ୍କ ମଧ୍ୟରୁ ଉମାଶଙ୍କର ତାଙ୍କୁ ପାଖ ଜଙ୍ଗଲକୁ ଟେକି ନେଇଥିଲେ। ସେଠାରେ ତାଙ୍କୁ ଦୁଷ୍କର୍ମ ଉଦ୍ୟମ କରିବାରୁ ଛାତ୍ରୀ ଜଣକ ଚିତ୍କାର କରିଥିଲେ। ଗାଁ ଲୋକେ ରୁଣ୍ଡ ହୋଇଯିବାରୁ ଅଭିଯୁକ୍ତ ଧରାପଡିଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି  ଛାତ୍ରୀଙ୍କୁ ଉଦ୍ଧାର କରିଥିଲା ଏବଂ ଅଭିଯୁକ୍ତଙ୍କୁ ଗିରଫ କରି ଏବେ ପଚରାଉଚରା କରୁଛି।

This website uses cookies to improve your experience. We'll assume you're ok with this, but you can opt-out if you wish. AcceptRead More