ବାଙ୍କୀ (ସଞ୍ଜିବ ନାୟକ): ରକ୍ତ ସମ୍ପର୍କରେ ଲାଗିଲା କଳଙ୍କର ଛିଟା। ୧୨ ବର୍ଷର ଝିଆରିଙ୍କୁ ସମ୍ପର୍କୀୟ ଦାଦା କଲା ଦୁଷ୍କର୍ମ ଉଦ୍ୟମ। ଏପରି କଳଙ୍କିତ ଘଟଣା ଘଟିଛି କଟକ ଜିଲ୍ଲାର ବାଙ୍କୀ ଥାନା ଅଞ୍ଚଳରେ। ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି।
ବାଙ୍କୀ ଥାନାରେ ନାଚ ପାଟି ପଡ଼ିଛି। ରାତିରେ ଗାଁର ଅଧିକାଂଶ ଲୋକ ନାଚ ଦେଖିବାକୁ ଯାଇଥିଲେ। ଆଜି ସକାଳେ ନାଚ ଦେଖି ଆସି ଘରେ ଶୋଇଥିଲେ। ଆଉ କିଛି ପରିବାର ଲୋକେ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ। ଏହି ସମୟରେ ନାବାଳିକା ଜଣକ ସମ୍ପର୍କୀୟ ଦାଦା ପଦ୍ମନାଭ ସାହୁଙ୍କ ଘରକୁ ଆସିଥିଲେ। ନାବାଳିକାଙ୍କୁ ଏକୁଟିଆ ପାଇଁ ପଦ୍ମନାଭ ନାବାଳିକା ତାଙ୍କୁ ଏକ ଘର ଭିତରକୁ ଟେକିନେଇ କବାଟ ଦେଇ ଦୁଷ୍କର୍ମ ଉଦ୍ୟମ କରିଥିଲେ। ଚିତ୍କାର ଶୁଣି ସାହି ପଡ଼ିଶା ଆସି କବାଟ ବାଡେଇ ନାବାଳିକାଙ୍କୁ ଉଦ୍ଧାର କରିଥିଲେ। ଅଭିଯୁକ୍ତ ନାବାଳିକାଙ୍କୁ ଅଶ୍ଲୀଳ ଭିଡ଼ିଓ ଦେଖାଉଥିବା ମଧ୍ୟ ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
