ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇର ଅଣ୍ଢରାରେ ଆଜି ସାଂସଦ ବୈଜୟନ୍ତ ପଣ୍ଡା ଏକ ଓଭରହେଡ୍ ପାଣିଟାଙ୍କି ଲୋକାର୍ପଣ କରିଛନ୍ତି। ଏହି ଅବସରରେ ସେ ତାଙ୍କୁ ବିରୋଧ କରିଥିବା ଲୋକଙ୍କ ଉପରେ ଖୁବ୍ ବର୍ଷିଥିଲେ।</p> <p>ସେ କହିଥିଲେ,“କେନ୍ଦ୍ରାପଡ଼ାରେ ଚାଲିଥିବା ପ୍ରଗତିକୁ କିଛି ଲୋକ ବାଧା ଦେବାକୁ ଚାହୁଁଥିଲେ। ଖୋଲାଖୋଲି ଧମକ ଦେଇ ବାଧା ସୃଷ୍ଟି କରିବାକୁ ଚାହୁଁଥିଲେ। ମୋ ପାଖରେ ୨ଟି ବିକଳ୍ପ ଥିଲା। ଅଣ ଓଡ଼ିଆ ଅଫିସରଙ୍କ ଚାପରେ ମୁଣ୍ଡ ନୋଇଁ ଚୁପ୍ ରହିବି କିମ୍ବା ଆମ ଓଡ଼ିଆଙ୍କ ସ୍ୱାଭିମାନ ପାଇଁ ମୁଣ୍ଡ ଟେକି କହିବି।”</p> <p>ବୈଜୟନ୍ତ କହିଥିଲେ,“ଲୋକଙ୍କୁ ପିଇବା ପାଣି ଦେବା ଯଦି ଦୋଷ, ତେବେ ମୁଁ ଦୋଷୀ।”</p> <p>ସେ ଆହୁରି କହିଥିଲେ,“ଏବେ ଓଡ଼ିଶାରେ ମା, ଭଉଣୀମାନେ ସୁରକ୍ଷିତ ନୁହଁନ୍ତି, ଯେଉଁ ଆଇନଶୃଙ୍ଖଳା ସ୍ଥିତି ଉପୁଜିଛି, ଆମେ ତାକୁ ସହିବାନି।”</p> <p>ତାଙ୍କୁ କେନ୍ଦ୍ରାପଡ଼ାରୁ କେହି ବାହାର କରିପାରିବେନି ବୋଲି ସେ କହିଥିଲେ।</p> <p>ସାଂସଦ ପଦରୁ ଇସ୍ତଫା ଦାବି ପ୍ରଶ୍ନରେ ବୈଜୟନ୍ତ ପଣ୍ଡା କହିଥିଲେ,“ଯେଉଁମାନେ ଲକ୍ଷ୍ମଣରେଖା ଟପିଛନ୍ତି ସେମାନେ ଇସ୍ତଫା ଦିଅନ୍ତୁ। ଯେଉଁ ସରକାରୀ ଅଫିସର ରାଜନୀତି କରୁଛନ୍ତି, ଚାନ୍ଦା ନେଉଛନ୍ତି, ଟିକେଟ୍‌ ବାଣ୍ଟୁଛନ୍ତି ସେମାନେ ଆଗ ଇସ୍ତଫା ଦିଅନ୍ତୁ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
