ଭୁବନେଶ୍ୱର(ଓଡ଼ିଶା ରିପୋର୍ଟର): କତାରରେ ପ୍ରାଣ ହରାଇଥିବା ଓଡ଼ିଆ ଯୁବକ ସଦାଶିବ ଦାସଙ୍କ ମରଶରୀର ଫେରାଇ ଆଣିବା ପାଇଁ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ପଦକ୍ଷେପ କରିଛନ୍ତି। ଏଥିପାଇଁ ସେ କତାରରେ ଥିବା ଭାରତୀୟ ରାଷ୍ଟ୍ରଦୂତଙ୍କୁ ପତ୍ର ଲେଖି ଏ ବାବଦରେ ସହଯୋଗ କରିବାକୁ ଅନୁରୋଧ କରିଛନ୍ତି।
କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଥାନା ଖଳଦା ସାହିର ସର୍ବେଶ୍ୱର ଦାସଙ୍କ ପୁଅ ସଦାଶିବ ଗତ ୯ ମାସ ହେଲା କତାରରେ ଏକ ଘରୋଇ କମ୍ପାନୀରେ ଶ୍ରମିକ ଭାବେ କାମ କରୁଥିଲେ। କିନ୍ତୁ ଗତ ୨୫ ତାରିଖରେ କୌଣସି କାରଣରୁ ତାଙ୍କର ସେଠାରେ ମୃତ୍ୟୁ ହୋଇଯାଇଥିଲା। ତା’ପର ଦିନ ଅର୍ଥାତ ୨୬ ତାରିଖରେ ସେଠାରେ ଅନ୍ୟ ଏକ କମ୍ପାନୀରେ କାମ କରୁଥିବା ଦିଲ୍ଲୀପ ଘଡ଼ାଇ ଏନେଇ ସଦାଶିବଙ୍କ ପରିବାରକୁ ସୂଚନା ଦେଇଥିଲେ।
https://twitter.com/Panda_Odia/status/1475759059462541312?s=20
ସର୍ବେଶ୍ୱର ଜଣେ ଗରିବ ଶ୍ରେଣୀରେ ହୋଇଥିବାରୁ ନିଜର ଏକମାତ୍ର ପୁଅର ମୃତଦେହ ଗାଁକୁ ଫେରାଇ ଆଣିବା ପାଇଁ ପାଖରେ ସମ୍ୱଳ ନାହିଁ। ସେଥିପାଇଁ ସେ ଶ୍ରୀ ପଣ୍ଡାଙ୍କୁ ଅନୁରୋଧ କରିଥିଲେ। ସର୍ବେଶ୍ୱରଙ୍କ ଅନୁରୋଧ ରକ୍ଷା କରି ଶ୍ରୀ ପଣ୍ଡା ଭାରତୀୟ ରାଷ୍ଟ୍ରଦୂତଙ୍କୁ ଏକ ପତ୍ର ଲେଖି ମରଶରୀର ଭାରତ ଫେରାଇ ଆଣିବା ପାଇଁ ବ୍ୟବସ୍ଥା କରିବାକୁ ନିବେଦନ କରିଛନ୍ତି।